Þetta er meðal þess sem kom fram í viðtali Chuck Schumer, sem er líklegur til að leiða meirihluta Demókrataflokksins í öldungadeildinni, við AP-fréttaveituna.
Schumer vildi ekki segja sérstaklega að hann myndi koma í veg fyrir staðfestingu allra sem Trump tilnefndi til Hæstaréttar, ef dómari hættir eða deyr.
„Kjarni málsins er að við munum ekki leyfa hægri sinnuðum dómara að komast í dómstólinn.“
Þegar Repúblikanar náðu meirihluta í öldungadeildinni í þingkosningum 2016 neitaði Mitch McConnell, þáverandi leiðtogi Repúblikana, að taka tilnefningu Baracks Obama á Merrick Garland til hæstaréttar til skoðunar á síðustu tveimur árum forsetans í embætti. Repúblikanar staðfestu ekki heldur tilnefningar Obama í embætti dómara á þessum árum.
Það gerði Trump kleift að tilnefna aragrúa af alríkisdómurum í embætti á fyrsta kjörtímabili hans.
Sjá einnig: „Þetta mun hafa afleiðingar 40 ár fram í tímann“
Þegar Ruth Bader Ginsburg, fyrrverandi hæstaréttardómari, lét lífið eftir að Trump tapaði forsetakosningunum 2020 flýttu McConnell og Repúblikanar sér að staðfesta nýjan dómara í embættið á síðustu vikum Trumps í embætti.
Tveir elstu hafa ekki sagst ætla að hætta
Núna eru sex dómarar af níu skipaðir af forseta úr Repúblikanaflokknum og þar af þrír sem skipaðir voru af Trump. Á undanförnum tveimur árum hefur hæstiréttur ítrekað úrskurðað Trump í vil í fjölda umdeildra mála og hafa dómararnir verið sakaðir um að hafa hraðar hendur þegar það hentar Trump en draga lappirnar í öðrum málum
Sjá einnig: Mesta íhaldssveifla í hæstaréttinum í áratugi
Hvíta húsið sendi í gærkvöldi út yfirlýsingu um að „öfgafullir Demókratar“ hefðu í gegnum árin ítrekað gert Hæstarétt Bandaríkjanna pólitískan og nú ætluðu þeir sér að fylla réttinn af frjálslyndum dómurum.
Það myndi Trump aldrei leyfa, þar sem það myndi gera út af við sjálfstæði dómstóla í Bandaríkjunum, eins og talskona Trumps orðaði það við AP.
Tveir elstu dómarar Hæstaréttar Bandaríkjanna eru þeir Clarence Thomas, sem er 78 ára, og Samuel Alito, sem er 76 ára, hafa ekki gefið til kynna að þeir ætli sér að stíga til hliðar á næstunni. Alito hefur þó áður sagt að hann sé ekki viss um hve lengi hann geti sinnt starfinu.
Samhliða því sagðist hann vilja sitja út núverandi dómtímabil, sem endar næsta sumar, og sagði að hann ætlaði sér ekki að hætta á síðustu tveimur árum Trumps í embætti. Nýtt þing tekur til starfa í janúar.
Með góðan meirihluta í öldungadeildinni
Demókratar munu að minnsta kosti hafa 54 öldungadeildarþingmenn af hundrað og gætu endað með 56. Það veltur þó á því hvernig talningin í Mississippi og Alaska fer. Eins og staðan er núna eru frambjóðendur flokksins í báðum ríkjum með nauman meirihluta.
AP áætlar að búið sé að telja um 96 prósent atkvæða í Mississippi en þar er Scott Colom, Demókrati, með 49,0 prósent atkvæða. Cindy Hyde-Smith er með 48,9 prósent. Einungis 1.813 atkvæði skilja þau að.
Um 74 prósent atkvæða hafa verið talin í Alaska. Þar er Mary Peltola (D) með 48,2 prósent og Dan S. Sullivan með 47,9 prósent. Munurinn er 637 atkvæði.
Í báðum ríkjum eru reglurnar þannig að utankjörfundaratkvæði eru talin, svo lengi sem þau voru sett í póst fyrir lokun kjörstaða. Nái enginn meira en fimmtíu prósentum atkvæða í Alaska þarf að greina hvernig kjósendur röðuðu frambjóðendum á kjörseðla til að ákveða sigurvegara. Það mun taka tíma.
Þessi fjöldi þingmanna gæti gert Repúblikönum erfitt fyrir að ná aftur meirihluta í öldungadeildinni í bráð. Næst verður kosið um þriðjung sæta þar í forsetakosningunum 2028. Þau sæti eru mörg í ríkjum sem Demókratar stóðu sig vel í í nýafstöðnum kosningum.
