Ný lög leyfa RÚV að loka Rás 1 eða Rás 2
Um tíundi hluti auglýsingatekna RÚV verður látinn renna til Sýnar og Árvakurs.
Nýtt lagafrumvarp ríkisstjórnar Kristrúnar Frostadóttur heimilar Ríkisútvarpinu að leggja niður annað hvort Rás 1 eða Rás 2. Í lögum um Ríkisútvarpið hefur verið krafa um að „dreifa efni til alls landsins og næstu miða með að minnsta kosti tveimur hljóðvarpsdagskrám og einni sjónvarpsdagskrá árið um kring.“ Verði frumvarp Loga Einarssonar, menningar-, nýsköpunar- og háskólaráðherra, samþykkt á Alþingi, fellur út krafan um tvær útvarpsrásir frá og með 1. janúar næstkomandi.
Í lagafrumvarpinu er einnig kveðið á um að framlag til Ríkisútvarpsins lækki um sem nemur 10 prósent af tekjum þess af auglýsingum.
Frumvarpið er samið á grundvelli aðgerðaráætlunar í málefnum fjölmiðla sem var kynnt í desember í fyrra. Í áætluninni var stefnt að því að nýta hluta af auglýsingatekjum RÚV til þess að styrkja einkarekna fjölmiðla og innleiða sérstakan viðbótarstuðning, sem rennur þó aðeins til tveggja stærstu fjölmiðlafélaga landsins, Sýnar og Árvakurs, þar sem skilyrðin eru stærð ritstjórnar sem …
