Heimskautarefurinn í fyrsta sinn á íslenskum válista
Heimskautarefurinn verður settur á válista spendýra á Íslandi í fyrsta sinn í vetur. Fjörutíu prósenta fækkun hefur orðið á stofninum hér á landi yfir síðustu þrjár kynslóðir. „Ef við vissum ástæðuna þá gætum við brugðist við,“ segir Ester Rut Unnsteinsdóttir, fagstjóri hjá Náttúrufræðistofnun Íslands.
Í fyrsta skipti mun heimskautarefurinn, eina landspendýrið í íslensku dýraríki sem kom sjálft til landsins, skipa sæti á válista spendýra og mun flokkast sem tegund í nokkurri hættu. Náttúrufræðistofnun Íslands vinnur nú að uppfærðum válista sem von er á í vetur. Fyrri listinn kom út árið 2018.
Fjörutíu prósenta fækkun hefur orðið á stofni heimskautarefsins á Íslandi yfir síðustu þrjár kynslóðir. „Þessi mikla fækkun kom okkur á óvart enda vorum við heillengi að samþykkja þetta sjálf og módelin voru keyrð aftur og aftur,“ segir Ester Rut Unnsteinsdóttir, fagstjóri spendýravistfræði hjá Náttúrufræðistofnun. Sem stendur er ekki vitað hvað hefur valdið fækkuninni sem Ester segir óþægilegt. „Ef við vissum ástæðuna þá gætum við brugðist við.“
„Við eigum þennan ref, sem er alveg einstakt
Stofnmati Náttúrufræðistofnunar var breytt við gerð þess í ár …
