Í erlendum miðlum kemur fram að maðurinn hafi ekið bíl inn á eitt stærsta torg borgarinnar. Þar hafi hann svo hafið skothríð á gangandi vegfarendur. Lögregla skaut þá byssumanninn sem hefur verið fluttur á spítala vegna sára sinna.
Fram kemur að viðbragsaðilar séu enn á vettvangi. Donald Tusk forsætisráðherra Póllands hefur gefið frá sér yfirlýsingu vegna árásarinnar. Hann segir árásina nú til rannsóknar lögreglu, hann sjálfur fylgist grannt með stöðunni.
