Nýju risapöndurnar í dýragarðinum í Atlanta í Georgíu í Bandaríkjunum vöktu mikla lukku gesta þegar garðurinn frumsýndi þær í gær. Karldýrið Ping Ping og kvendýrið Fu Shuang komu til Bandaríkjanna frá Chengdu í Kína í september með fraktflugi flutningafyrirtækisins FedEx. Gárungar hafa nefnt flugið „Panda Express“. Þær verða á láni í dýragarðinum næstu tíu árin.
Til að undirbúa komu risapandanna var aðstaðan fyrir dýrin í garðinum endurnýjuð og sérhæft teymi dýrahirða sett saman til að annast þær. Dýragarðurinn hefur jafnframt tryggt stöðugt framboð bambuss, uppáhaldsfæðu risapanda, sem er ræktaður í nágrenni garðsins.
Lítil stúlka sem heimsótti dýragarðinn sagði pöndurnar stórkostlegar. „Þær eru stórkostlegar. Ég hlakka mikið til að sjá þær.“
