Santiago Peña, forseti Paragvæ, var handtekinn í gær. Örfáum mínútum fyrir handtökuna samþykktu þingmenn, meðal annars úr hans eigin flokki, einróma að víkja honum úr embætti.
Hafði Peña boðist til að segja af sér daginn áður. Frekar en að samþykkja afsögn hans var hann kærður fyrir embættisbrot. Þýðir það að hann hlýtur ekki friðhelgi líkt og fyrrverandi forsetar hljóta.
Er Peña meðal annars sakaður um að hafa haft áhrif á eftirlit með bankanum, ráðstafað lífeyrissjóðsfé á ólöglegan hátt og tekið þátt í að hylma yfir málið í samráði við seðlabanka landsins. Samkvæmt saksóknara verður Pena yfirheyrður í dag vegna ásakananna um trúnaðarbrot, hagsmunaárekstra og misnotkun sjóða.
Forsetinn átti hlut í fyrirtækinu sem á bankann þangað til á síðasta ári en neitar allri sök.
Varaforsetinn Pedro Alliana hefur svarið embættiseið og gegnir nú embætti forseta til bráðabirgða.
