Volodimír Zelenskí, forseti Úkraínu, segist munu skipuleggja kosningar í landinu ef Rússland samþykkir 60 daga algjört vopnahlé. Þetta kom fram í viðtali við hann í þættinum This Week á ABC sunnudaginn 11. október.

Ummælin komu í kjölfar gagnrýni Donalds Trumps Bandaríkjaforseta, sem sagði á laugardag að tímabært væri að Úkraína fengi nýjan forseta.

Vill tveggja mánaða vopnahlé

Samkvæmt Channels Television sagðist Zelenskí hafa komið þeim skilaboðum til teymis Trumps að ef Bandaríkjastjórn vildi kosningar í Úkraínu ætti hún að biðja Vladimír Pútín Rússlandsforseta um tvo mánuði án átaka. Þá myndu Úkraínumenn skipuleggja kosningar.

Zelenskí lagði jafnframt áherslu á að það væri úkraínsku þjóðarinnar að velja leiðtoga sinn.

Yfirlýsingin er því skilyrt við vopnahlé. Í frétt Reuters um viðtalið kemur ekki fram að kosningadagur hafi verið ákveðinn.

Beðið er eftir viðbrögðum frá Moskvu.