„Fyrsta verkefni er að tryggja forgang almennings þegar kemur að raforku á tímum umframeftirspurnar í kerfinu,“ sagði Jóhann Páll Jóhannsson spurður út í áherslur sínar sem nýr umhverfis-, orku- og loftslagsráðherra fyrir utan Bessastaði 21. desember 2024. Daginn sem ríkisstjórn Kristrúnar Frostadóttur tók við. „Á að virkja meira?“ spurði einn blaðamannanna. „Það verður virkjað meira en það verður líka gætt að náttúruverndinni,“ svaraði nýi ráðherrann.

Hann var þá inntur eftir svari varðandi loftslagsmálin en Ísland hafði ekki verið á áætlun hvað varðar markmið sín um að draga úr losun gróðurhúsalofttegunda. „Það verður að taka loftslagsmálin miklu fastari tökum,“ svaraði Jóhann Páll og gekk á fund forseta Íslands. 

Áherslur Jóhanns Páls í viðtali við blaðamenn þennan dag má segja að hafi haldist þær sömu. Virkjanaframkvæmdir, veltihringrásin AMOC,  hafið og loftslagsvendipunktar eru meðal málefna sem hafa verið í forgrunni hjá ráðherranum …