Þrjú lík fundust á heimili árásarmannsins sem skaut sex manns til bana á aðaltorgi Kraká í Póllandi í dag. Sextán særðust í árásinni.
Donald Tusk, forsætisráðherra Póllands, greindi frá líkfundinum á blaðamannafundi í kvöld. Hann segir að margt bendi til þess að um nánustu fjölskyldu hans sé að ræða.
„Hingað til höfum við ekki séð jafn alvarleg hryðjuverk í Póllandi,“ sagði Tusk. „Það er það sem við verðum að kalla þessa grimmdarlegu árás á líf fólks hér í Kraká.“
Donald Tusk tilkynnti einnig á blaðamannafundinum að tveggja daga sorgartímabil yrði í landinu.
