„Það var keyrt þungt á stöðunni í borginni,“ segir Jónas Már Torfason, oddviti Samfylkingarinnar í Kópavogi en flokkurinn náði að tvöfalda fjölda sveitarstjórnarfulltrúa sinna í sveitarfélaginu, úr einum í tvo. Það breytti því ekki að Sjálfstæðisflokkurinn náði stórsigri og hreinum meirihluta.

Afskipti Kristrúnar Frostadóttur, formanns Samfylkingarinnar og forsætisráðherra, af sveitarstjórnarmálum í Kópavogi var umdeild og vissulega óhefðbundin miðað við síðustu forsætisráðherra sem liggja oftast lágt í slíkum baráttum.

Þriðji maður á lista Sjálfstæðisflokksins, Andri Steinn Hilmarsson, segir áhrif hennar ofmæld í umræðunni, stórsigur Sjálfstæðisflokksins megi ekki rekja að svo miklu leyti til meints afleiks forsætisráðherrans, heldur hafi staða fallins meirihluta í borginni vegið þyngra í umræðunni.

Pirraði andstæðinga

„Við erum sátt í Kópavogi, við tvöfölduðum fylgi okkar,“ segir Jónas Már og bendir á að Samfylkingin í Kópavogi hafi þrátt fyrir allt fengið öflugustu kosninguna af öllum framboðum Samfylkingarinnar á höfuðborgarsvæðinu. Flokkurinn fékk rétt tæp nítján prósent á meðan borgarstjórnarflokkurinn fékk …