Frestar tónleikum vegna veikinda

Þar hugðist hann ... Zayn Malik hefur frestað sérstökum tónleikum í Kingston í Bretlandi vegna veikinda, aðeins skömmu áður en þeir áttu að fara fram. Þar hugðist hann kynna ný lög af væntanlegri plötu sinni, KONNAKOL, og eiga samtal við aðdáendur. Í tilkynningu frá tónleikahaldara kom fram að unnið væri að því að finna nýja dagsetningu. Aðdáendur vonsviknir Margir aðdáendur lýstu vonbrigðum sínum á samfélagsmiðlum en sumir sögðust þegar vera á leið til London eða hafa varið umtalsverðum fjárhæðum í ferðina. Jafnframt sendu þeir söngvaranum batakveðjur. Frestunin kemur á sama tíma og Malik undirbýr útgáfu nýrrar plötu 17. apríl og stærstu sólótónleikaferð ferils síns. Malik hefur áður greint opinskátt frá kvíða og heilsuvanda sem haft hefur áhrif á tónleikahald hans. Hann hefur áður þurft að aflýsa tónleikum með skömmum fyrirvara á undanförnum árum. Daily Mail