Kanadískur faðir hefur vakið mikla athygli á TikTok eftir að hann birti myndbönd þar sem hann heldur því fram að svokölluð „squishy“-leikföng fyrir börn innihaldi hættulega mikið magn rokgjarnra efna.
Jordan Collinet, sem birtir efni á TikTok, segist hafa ákveðið að prófa leikföngin eftir að dóttir hans kom heim með leikfang af þessari tegund. Um er að ræða mjúk og teygjanleg skynörvandi leikföng sem eru framleidd af Tnearc Toys og seld meðal annars hjá Walmart, að því er fram kemur í frétt New York Post.
Í myndbandinu segist Collinet strax hafa tekið eftir sterkri efnalykt frá leikföngunum. Hann framkvæmdi síðan eigin mælingar með loftgæðamæli sem nemur svokölluð VOC-efni, eða rokgjörn lífræn efnasambönd, sem geta haft áhrif á loftgæði og heilsu fólks.
Samkvæmt mælingum hans náðu gildin mjög háum tölum á stuttum tíma. Í einu myndbandinu sýndi mælirinn hæstu mögulegu niðurstöðu, 9,99, innan mínútu eftir að nýtt leikfangið var sett í lokaðan poka með mælinum.
„Ég bjóst ekki við að þetta yrði svona slæmt,“ sagði Collinet í myndbandinu. Hann bætti við að sterk lykt væri af leikföngunum sem minnti einna helst á málningu eða leysiefni.
Collinet gagnrýndi jafnframt eftirlit með vörunum og sagði að börn væru sérstaklega viðkvæm þar sem þau héldu leikföngunum nálægt andliti og settu þau jafnvel upp í sig.
„Börn eru að kreista þau þar til þau springa og innihaldið fer út um allt,“ sagði hann.
Í öðru prófi bar hann niðurstöður leikfanganna saman við mælingar frá opinni málningardós. Samkvæmt hans mælingum reyndust leikföngin gefa frá sér meiri mengun en málningin.
Í kjölfarið hvatti hann foreldra til að forðast vöruna.
„Ekki kaupa þetta. Ef þið eigið þetta, skilið því,“ sagði hann.
Myndböndin hafa farið víða á samfélagsmiðlum og margir foreldrar lýst yfir áhyggjum í athugasemdum. Sumir sögðust hafa fundið svipaða sterka lykt frá öðrum squishy-leikföngum. Þessi leikföng hafa notið talsverðra vinsælda um heim allan og kannast eflaust margir íslenskir foreldrar við þau.
@learning.the.limits These squishy mystery dim sum dumplings are everywhere where we live. It’s concerning to say the least that this is a children’s toy for ages 3 and up. Please be careful when deciding to get these for your kids. Disclaimer: this is not a foolproof test, but these toys do have a strong chemical smell and I would just like verification of if these have been tested and deemed to be safe by an official consumer safety agency. #squishy #dumplings #mystery #dimsum ♬ Chopin Nocturne No. 2 Piano Mono – moshimo sound design
@learning.the.limits I went ahead and tested the viral squishy dumplings directly from the packaging. The results were very concerning. #squishy #dumpling #needoh #toxic #vocs ♬ Chopin Nocturne No. 2 Piano Mono – moshimo sound design
