Þyrlan lendir fyrir framan Hörpu klukkan eitt og má búast við smávægilegum umferðartöfum þegar þyrlan lendir. Biðlað er til vegfarenda að sýna tillitssemi.
„Landhelgisgæslan fagnar aldarafmæli í ár. Í heila öld hefur starfsfólk hennar verið til taks fyrir sjófarendur og landsmenn alla, oft við krefjandi aðstæður. Við þökkum landsmönnum það traust og þann hlýhug sem þeir hafa sýnt okkur í gegnum árin og höldum áfram að standa vaktina fyrir land og þjóð,“ segir í tilkynningu.
Til stóð að fagna afmælinu á afmælisdaginn sjálfan, þann 1. júlí, í Vestmannaeyjum. Fresta þurfti hins vegar veislunni vegna Paul Watson-samtakanna sem sigldu innan lögsögu Íslands í því skyni að koma í veg fyrir hvalveiðar Hvals hf. Landhelgisgæslan fylgdist grannt með ferðum Bandero, skips þeirra.
