Stríðs­rekstur Vla­dimírs Pútíns Rúss­lands­for­seta gegn Úkraínu og stríð Banda­ríkj­anna og Ísraels gegn Íran, sem ákveðið var af Donald Trump Banda­ríkja­for­seta og Benjamín Net­anjahú, for­sæt­is­ráð­herra Ísraels, valda því að flest íslensk fast­eigna­lán hækka um 0,44 pró­sent í kjöl­far nýrra talna Hagstofu Íslands um þróun vísi­tölu neyslu­verðs.

Verð­bólga á Íslandi, þróun vísi­tölu neyslu­verðs síð­ustu 12 mán­uði, mælist nú 5,9 pró­sent, líkt og í síð­asta mán­uði. Hækkun vísi­tölu neyslu­verðs í nýrri mæl­ingu, sem kynnt var í morgun, stafar aðal­lega af verð­hækkun á dísilolíu (0,11% af vísi­tölu­hækkun) og bens­íni (0,16%). Í síð­asta mán­uði hækk­aði elds­neyti einnig veru­lega við það að tíma­bundin virð­is­auka­skatts­lækkun rík­is­stjórn­ar­innar yfir síð­asta sumar féll út.

Ein helsta orsök hás elds­neyt­is­verðs er stríðs­rekstur. Rússland hóf inn­rás­ar­stríð gegn Úkraínu 24. febr­úar 2022, eftir ákvörðun Vla­dimírs Pútín for­seta, og hefur upp á síðkastið leitt til þess að Úkra­ínu­menn hafa ráð­ist á elds­neyt­is­birgða­stöðvar í Rúss­landi með dróna­árásum síð­ustu mán­uði. Elds­neyt­is­verð hækk­aði síðan veru­lega …