Athygli vakti í síðustu viku þegar fréttamaður Sýnar elti Ingu Sæland frá dyrum Menntaskólans í Reykjavík sem hélt upp á 180 ára afmæli sitt í húsinu svipmikla og alla leið niður að ráðherrabílnum í Lækjargötunni og heimtaði svör við spurningu um afsögn Guðmundar Inga Kristinssonar, fyrrverandi menntamálaráðherra. Bersýnilega átti að reyna að koma höggi á Ingu sem vitaskuld vildi ekki ræða þessa afsögn sem hver skynsamur maður sér að var ekki bara sjálfsögð heldur brýn nauðsyn, bæði fyrir Guðmund sjálfan, heilsu hans vegna, og mennta- og skólamálin í landinu, þann mikilvæga málaflokk.
Orðið á götunni: Fréttamaður í undarlegum leiðangri
