Lögmaður Írisar Helgu Jónatansdóttur fór fram á að réttarhöld yfir henni væru lokuð almenningi. Bæði saksóknari og réttargæslumenn neituðu að fallast á það og því fer fram þinghald næstkomandi mánudag þar sem réttað verður sérstaklega um þennan hluta málsins.

Íris Helga hefur verið ákærð fyrir umsáturseinelti, brot á barnaverndarlögum, rangar sakargiftir, skjalafals, hótanir og ærumeiðandi aðdróttanir. Ákæran er óvenjumikil að umfangi en listað er upp hátt í 70 atvik sem hún er ákærð fyrir og ná þau afbrot yfir árabilin 2022 til 2025. 

Ekki er ákært fyrir birtingu á dánarfregn í Morgunblaðinu þar sem einn þolandi hennar sagði opinberlega að han teldi það hluta af umsáturseineltinu sem hann hafði mátt þola af hennar hálfu. Það átti sér stað nú í apríl síðastliðnum. Var Íris þá handtekin af lögreglu og farið fram á gæsluvarðhald, en ekki fallist á það. 

Á leið inn í réttarsal …