Luiz Inacio Lula da Silva, forseti Brasilíu, vann í síðari umferð forsetakosninga í landinu í gær. Afar mjótt var á munum milli hans og Flavio Bolsonaro, sonar Jair Bolsonaro fyrrverandi forseta landsins. Lula hlaut 51,8 prósent atkvæða en Bolsonaro 48,2 prósent. Bolsonaro vann fyrri umferð kosninganna með litlum mun.
Frá því að lýðræði var komið aftur á á níunda áratug síðustu aldar í Brasilíu hefur það aldrei gerst að frambjóðandi sem hafnaði í öðru sæti í fyrri umferð færi með sigur af hólmi í seinni umferð.
Lula var vel fagnað þegar hann kom upp á svið á kosningavöku í Sao Paulo. Stuðningsfólk Lula söng og dansaði þegar ljóst var að hann vann. Margir þustu út á götur til að fagna, kveiktu í blysum og jafnvel flugeldum.
