Bein út­sending: Ingvar yfir­gefur Við­reisn - Vísir

Bein út­sending: Ingvar yfir­gefur Við­reisn - Vísir

Bein út­sending: Ingvar yfir­gefur Við­reisn - Vísir

Samkvæmt heimildum fréttastofu tilkynnti Ingvar Viðreisnarliðum um brotthvarf sitt upp úr klukkan ellefu í dag. Í framhaldinu mætti Ingvar á sinn fyrsta þingflokksfund hjá Sjálfstæðisflokknum.

Elísabet Inga Sigurðardóttir, fréttamaður okkar, er í þinghúsinu og bíður þess að ná tali af Ingvari í beinni útsendingu.

Fram kemur í yfirlýsingu Ingvars á Facebook að síðasta kjördæmavika og fjárlagafrumvarpið fyrir árið 2027 hafi gert honum ljóst að sannfæring hans og stefna ríkisstjórnarinnar ættu ekki lengur samleið. Það sé verðugt markmið að ná hallalausum fjárlögum en leiðin að markmiðinu skipti ekki síður máli.

Ríkisstjórnin missir þingmann við þessi skipti. Samfylkingin, Viðreisn og Flokkur fólksins fengu 36 þingmenn í kosningunum 2024 en síðan þá hefur fækkað í hópnum. Jón Gnarr gekk úr þingflokki Viðreisnar og Guðmundur Ingi Kristinsson úr þingflokki Flokks fólksins. Báðir styðja þó ríkisstjórnina sem þingmenn utan flokka.

Ingvar Þóroddsson var kjörinn á þing fyrir Viðreisn í Norðausturkjördæmi í nóvember 2024. Hann gengur nú í raðir Sjálfstæðisflokksins.Vísir/Vilhelm

Eftir brotthvarf Ingvars eru þingmennirnir 33 sem tilheyra þingflokkum ríkisstjórnarflokkanna. 32 þingmenn þarf fyrir minnsta minnihluta á þingi. Eftir tilfærslu Ingvars er Sjálfstæðisflokkurinn kominn með 15 þingmenn eða jafnmarga og Samfylkingin. Flokkur fólksins og Viðreisn eru með 9 þingmenn, Miðflokkurinn 8 og Framsóknarflokkurinn 5.  

Neðst í fréttinni má lesa nýjustu tíðindi í sérstakri fréttavakt.

Að neðan má sjá færslu Ingvars í heild.

Frá því að ég hóf afskipti mín af stjórnmálum hef ég haft að leiðarljósi að hlutverk stjórnmálamanna sé að auka frelsi fólks, skapa skilyrði fyrir sterkt atvinnulíf og bæta þannig lífskjör í landinu. Vaxandi verðmætasköpun er forsenda þess að hægt sé að byggja upp öflugt velferðarkerfi.

Þetta var sú sýn sem ég talaði fyrir í kosningunum 2024 og sú stefna sem ég hef reynt að vinna eftir á þingi. Undanfarnar vikur og mánuði hef ég velt því fyrir mér hvort ég geti, innan núverandi stjórnarsamstarfs, staðið við það sem ég bauð mig fram til að gera. Síðasta kjördæmavika og fjárlagafrumvarpið fyrir árið 2027 gerðu mér ljóst að sannfæring mín og stefna ríkisstjórnarinnar, sem Viðreisn er hluti af, eiga ekki lengur samleið.

Það er verðugt markmið að ná hallalausum fjárlögum og ég styð það. Leiðin að markmiðinu skiptir þó ekki síður máli. Skattahækkanir sem draga úr fjárfestingu og getu fyrirtækja til að vaxa vinna gegn langtímahagsmunum samfélagsins. Ég vil leggja meiri áherslu á að við vöxum út úr vandanum, samhliða aðhaldi hjá hinu opinbera og betri nýtingu skattfjár. Öflugt atvinnulíf er forsenda þess að við getum staðið undir góðri heilbrigðisþjónustu, menntun og öðrum sameiginlegum verkefnum. Við getum aldrei skattlagt okkur til velsældar.

Ríkisstjórn sem ætlar að ná tökum á ríkisfjármálunum þarf að sýna árangur í aðhaldi og hagræðingu áður en hún gengur enn frekar á tekjur fólks og þrengir að rekstri fyrirtækja.

Miðað við forsendur fjárlagafrumvarpsins fyrir árið 2027 verða tekjur ríkissjóðs hærra hlutfall af landsframleiðslu en gert var ráð fyrir í fjárlögum þessa árs. Ríkið tekur þannig til sín stærri hluta af kökunni. Viðreisn hét því að hækka ekki skatta.

Ég hef heyrt frá fólki víða í atvinnulífinu sem ákvað að gefa Viðreisn tækifæri í síðustu kosningum. Margt af þessu fólki var orðið þreytt á fyrri ríkisstjórn og heyrði hjá Viðreisn ferska rödd sem talaði af virðingu um atvinnulífið og lagði áherslu á fyrirsjáanleika og stöðugleika. Nú upplifir þetta fólk að þau hafi verið svikið. Ég skil þá upplifun mjög vel. Þetta voru líka áherslurnar sem ég trúði á og talaði fyrir.

Ferðaþjónustan er skýrt dæmi um þetta. Fyrirtæki í greininni selja þjónustu langt fram í tímann og þurfa að geta treyst þeim forsendum sem þau verðleggja eftir. Fyrirhuguð hækkun virðisaukaskatts á baðlón úr 11% í 24% strax um áramótin gengur gegn því. Þegar búið er að selja þjónustuna getur kostnaðurinn lent á fyrirtækjunum sjálfum. Reynslan af breytingum á skattaumhverfi skemmtiferðaskipa hefði átt að kenna okkur mikilvægi fyrirvara og samráðs. Nú á að endurtaka sömu mistök og ganga gegn loforðinu um að hækka ekki virðisaukaskatt á ferðaþjónustuna. Baðlónin eru mikilvægir seglar, ekki síst í Norðausturkjördæmi, þar sem þau draga gesti að stöðum sem margir myndu annars ekki heimsækja.

Þetta er sérstaklega vondur tími til að veikja samkeppnishæfni ferðaþjónustunnar. Í landamærakönnun Ferðamálastofu fyrir árið 2025 töldu ríflega 18% erlendra ferðamanna að Íslandsferðin hefði ekki verið peninganna virði. Á sama tíma erum við að tapa samkeppninni yfir vetrarmánuðina við Noreg og Finnland, sem keppa við okkur um vetrarferðamenn. Stjórnvöld ættu að hjálpa greininni að nýta tækifærin til vaxtar og heilsársstarfsemi um allt land. Hærri álögur með skömmum fyrirvara vinna gegn því.

Skortur á fyrirvara og vönduðum undirbúningi hefur líka einkennt aðrar skattabreytingar. Innleiðing kílómetragjaldsins var til að mynda of hröð og illa undirbúin. Fjármálaráðherra kynnti breytinguna sem tekjuhlutlausa. Þegar ég beitti mér fyrir frestun á gildistöku laganna var mér hins vegar sagt að frestunin myndi kosta ríkissjóð nokkur hundruð milljónir króna á mánuði. Það samræmist ekki því sem hafði áður verið kynnt um tekjuáhrif breytingarinnar.

Samhliða þessu voru vörugjöld á bifreiðar hækkuð verulega. Samanlögð vörugjöld og virðisaukaskattur á bensínjeppa í efsta vörugjaldsþrepi eru nú hærri en innflutningsverð bílsins sjálfs. Þetta leggst sérstaklega á landsbyggðina, þar sem hlutfall rafbíla er lægra.

Hækkun vörugjalda og veiðigjalda, ásamt upptöku almenns kílómetragjalds, var rökstudd með þörfinni á innviðauppbyggingu á landsbyggðinni. Ég tel ekki að staðið hafi verið við þau fyrirheit gagnvart Norðausturkjördæmi. Heildarframlög til samgöngumála í fjárlagafrumvarpinu fyrir 2027 lækka frá fjárlögum þessa árs. Samt á nú að hækka kílómetragjaldið um tæp 16%. Hærri flutningskostnaður veikir samkeppnisstöðu fyrirtækja á landsbyggðinni og hækkar framfærslukostnað heimilanna.

Atvinnulífið í Norðausturkjördæmi leggur sannarlega sitt af mörkum. Sem dæmi kemur fram í nýlegri greiningu sem unnin var fyrir Samband sveitarfélaga á Austurlandi að munurinn á áætluðum tekjum ríkissjóðs af landshlutanum og útgjöldum til hans hans sé um 800 þúsund krónur á íbúa árið 2026 og gæti numið um milljón árið 2027. Slíkt mat segir ekki alla söguna um þjónustu ríkisins, en sýnir vel framlag Austurlands. Innviðauppbygging þar er fjárfesting í verðmætasköpun sem nýtist landinu öllu.

Þrátt fyrir það er grunnþjónusta í samgöngum víða að veikjast. Vetrarferðum til Grímseyjar hefur verið fækkað úr fjórum í þrjár á viku. Til stendur að fækka flugferðum til Vopnafjarðar og Þórshafnar úr fimm í þrjár á viku. Ferðum Strætó milli Akureyrar og Reykjavíkur hefur líka fækkað. Á sama tíma hefur samgöngusáttmáli höfuðborgarsvæðisins bólgnað langt út fyrir upphaflegar kostnaðaráætlanir. Ég get ekki varið þá forgangsröðun að halda áfram á þeirri braut á meðan grunnþjónusta í samgöngum á landsbyggðinni er skert. Fólk um allt land á að geta treyst því að komast öruggt til vinnu, í skóla og til læknis.

Loftbrúarmálið bætist við þessa mynd. Ég hef verið opinn fyrir breytingum á kerfinu, en þær tillögur sem innviðaráðherra kynnti fyrir stuttu voru illa unnar. Breytingin var hvorki kynnt né rædd á þingflokksfundi, heldur tilkynnt okkur með skilaboðum kvöldið áður en ráðherra kynnti hana opinberlega. Þannig er ekki hægt að standa að ákvörðun sem skiptir fólk á landsbyggðinni svona miklu máli.

Við þurfum líka að standa við fyrirheit um nauðsynlegar framkvæmdir. Ég hef alltaf talað fyrir því að Fjarðarheiðargöng verði næstu jarðgöng landsins og það var umfjöllunarefni jómfrúarræðu minnar á Alþingi. Austfirðingar hafa sameinast um þá forgangsröðun á vettvangi Sambands sveitarfélaga á Austurlandi. Göngin eru fullhönnuð og tilbúin til útboðs. Samt eru þau ekki á framkvæmdaáætlun í þeirri samgönguáætlun sem Alþingi hefur nú samþykkt. Sú niðurstaða er óásættanleg fyrir Austurland. Fólk á ekki að þurfa að bíða áfram eftir nauðsynlegum öryggisbótum þegar undirbúningnum er lokið.

Ég greiddi þessari samgönguáætlun atkvæði. Það voru mistök. Ég bið Austfirðinga afsökunar á því og tek ábyrgð á eigin atkvæði. Ég hefði átt að fylgja þeirri afstöðu sem ég hafði ítrekað lýst.

Nýlega komu fram tillögur úr dómsmálaráðuneytinu, sem myndu fækka þingmönnum Norðausturkjördæmis úr tíu í sjö. Að jafna vægi atkvæða er mikilvægt viðfangsefni, en lýðræði snýst líka um aðgengi fólks að kjörnum fulltrúum sínum. Í víðfeðmu landsbyggðarkjördæmi þarf að ferðast langar leiðir og verja meiri tíma til að hitta kjósendur en á höfuðborgarsvæðinu. Þingmenn landsbyggðarkjördæmanna sinna jafnframt fjölmörgum erindum um þjónustu ríkisins sem í þéttbýli eiga sér fremur hliðstæðu í verkefnum sveitarfélaga.

Ráðuneytin og miðstöð opinberrar stefnumótunar eru í Reykjavík. Því er enn mikilvægara að rödd landsbyggðarinnar heyrist skýrt á Alþingi þegar frumvörp og stefna stjórnvalda eru tekin þar til skoðunar. Ef ræða á jöfnun atkvæðavægis af alvöru og með virðingu fyrir landsbyggðinni þurfa slíkum breytingum að fylgja aðgerðir sem styrkja stöðu hennar. Þar ætti meðal annars að lögfesta skyldu til að meta byggðaáhrif lagasetningar og stefnumótunar, sambærilega þeirri skyldu að meta áhrif frumvarpa á jafnrétti kynjanna. Samhliða ætti að færa starfsemi ráðuneyta og stofnana í auknum mæli út á land. Slíkar tillögur fylgdu ekki þeim hugmyndum sem nú hafa verið kynntar um fækkun þingmanna landsbyggðarinnar.

Ég mun ekki samþykkja að þingmönnum kjördæmisins verði fækkað um 30%. Breytingar á kosningakerfinu verða að taka mið af raunverulegu aðgengi og áhrifum fólks um allt land.

Þegar ágreiningurinn nær til grundvallaratriða þarf að horfast í augu við hann. Samstarf flokka í ríkisstjórn á að mínu mati að byggja á því sem þeir eiga sameiginlegt og sem meirihluti er fyrir á þingi. Mér hefur þótt þetta samstarf snúast um of um hrossakaup, þar sem flokkar samþykkja mál sem ganga gegn eigin sannfæringu til að fá sínu framgengt annars staðar. Áform um leigubremsu og vísitölutengingu bóta eru meðal þeirra mála sem ég á erfitt með að samræma þeirri stefnu sem ég bauð mig fram fyrir. Sama á við um smærri mál, svo sem opinber afskipti af bragðefnum í níkótínvörum.

Í grunninn er ég frjálslyndur, hægrisinnaður landsbyggðarþingmaður. Ég var búsettur í Svíþjóð þegar ég fór fyrst að pæla í pólitík og hreifst af áherslum Fredriks Reinfeldt, þáverandi forsætisráðherra. Sú sýn hefur fylgt mér síðan: Það á að borga sig að vinna, leggja sitt af mörkum og taka áhættu. Lægri skattar á vinnu og betri skilyrði til atvinnurekstrar geta aukið verðmætasköpun og styrkt grunninn undir sameiginlegri þjónustu. Öflugt samfélag á að grípa þau sem þurfa á aðstoð að halda og tryggja öllum jöfn tækifæri. Ég vil að fólk og fyrirtæki hafi svigrúm til að skapa verðmæti og að landsbyggðin búi við innviði sem gera henni kleift að nýta tækifærin og byggja upp samkeppnishæf samfélög.

Skoðun mín á þessum grundvallaratriðum hefur ekki breyst. Ég á hins vegar ekki lengur samleið með þeirri stefnu sem þingflokkur Viðreisnar og ríkisstjórnin fylgja.

Nú hef ég tekið þá ákvörðun á segja skilið við þingflokk Viðreisnar og hef tilkynnt forseta Alþingis, formanni flokksins og þingflokksformanni um þá ákvörðun mína. Ríkisstjórnin hefur ekki lengur minn stuðning og ég mun starfa í stjórnarandstöðu. Ég mun þó áfram styðja góð mál, hvort sem þau koma frá Viðreisn, öðrum flokkum ríkisstjórnarinnar eða stjórnarandstöðunni.

Þessi ákvörðun er mér erfið og er tekin eftir langa íhugun. Mér þykir vænt um samstarfsfólk mitt í þingflokki Viðreisnar og ég hef eignast marga góða vini í flokknum. Ég er þakklátur fyrir samstarfið og traustið sem mér hefur verið sýnt. En ég ber líka ábyrgð gagnvart kjósendum mínum og minni sannfæringu.

Ég hef átt góð og uppbyggileg samtöl við forystu Sjálfstæðisflokksins og lýst yfir vilja mínum til að ganga til liðs við þingflokk hans. Ég tel mig eiga þar samleið með fólki um þau grundvallaratriði sem ráða afstöðu minni í stjórnmálum: frelsi einstaklingsins, öflugt atvinnulíf og ábyrgð í ríkisfjármálum.

Samstarf mitt við þingmenn Sjálfstæðisflokksins hefur verið gott á þessu kjörtímabili, ekki síst oddvita flokksins í mínu kjördæmi. Í umræðum um atvinnulíf og efnahagsmál, sem og ýmis önnur mál, hefur það heyrt til undantekninga að ég hafi verið ósammála því sem þingmenn flokksins hafa sagt í pontu eða lagt til. Það hefur styrkt sannfæringu mína um að við eigum samleið um þau verkefni sem eru brýnust fyrir Ísland.

Því geng ég til liðs við Sjálfstæðisflokkinn. Hann hefur átt ríkan þátt í breytingum sem hafa styrkt Ísland, svo sem aðildinni að NATO, EES-samningnum, þróun fiskveiðistjórnunarkerfisins og auknu frelsi í atvinnulífi og fjölmiðlum. Ég hlakka til að leggja mitt af mörkum innan flokksins og vinna að því að fólk og fyrirtæki um allt land fái betri tækifæri til að blómstra.

Að neðan má sjá nýjustu tíðindi í sérstakri fréttavakt.

#bein #ingvar #viðreisn #yfirgefur #útsending


Upprunaleg slóð:
https://www.visir.is/g/20262963752d/bein-utsending-ingvar-yfirgefur-vidreisn

📰 Aðrar fréttir

Kókaínmetið kolfallið - Vísir
📅 16.11.2026 👁️ 2
Kókaínmetið kolfallið - Vísir
Á síðasta ári var slegið Íslandsmet þegar hald var lagt á tæplega 107 kíló af kókaíni. Það var meira en tvöföldun á milli ára þar sem kílóin voru um f...
Gímaldin með tónleika í Hannesarholti
📅 16.11.2026 👁️ 2
Gímaldin með tónleika í Hannesarholti
Tónlistarmaðurinn Gímaldin heldur tónleika í Hannesarholti næstkomandi fimmtudagskvöld, þann 19. nóvember, kl. 20:00. Yfirskrift tónleikanna er Evrópa...
Fagnar öflugum liðs­auka - Vísir
📅 16.11.2026 👁️ 1
Fagnar öflugum liðs­auka - Vísir
Ingvar tilkynnti að hann væri hættur í þingflokki Viðreisnar og genginn til liðs við Sjálfstæðisflokkinn í samfélagsmiðlafærslu í morgun. Vísaði hann ...
Women's criminal records wiped for abortion offences
📅 16.11.2026 👁️ 1
Women's criminal records wiped for abortion offences
Women arrested or convicted for having illegal abortions will have their criminal records wiped as new atomatic pardons come into force in England and...
Réðust á Kerch-brú í um­fangs­mestu á­rásinni hingað til - Vísir
📅 16.11.2026 👁️ 1
Réðust á Kerch-brú í um­fangs­mestu á­rásinni hingað til - Vísir
Umferð bíla um brúnna var stöðvuð eftir árásina en Úkraínumenn hafa um nokkurt skeið unnið að því að gera árásir á birgðaleiðir Rússa á Krímskaga og á...
Vista­skipti á Al­þingi og dagur ís­lenskrar tungu - Vísir
📅 16.11.2026 👁️ 1
Vista­skipti á Al­þingi og dagur ís­lenskrar tungu - Vísir
Við fjöllum um þessar vendingar í hádegisfréttum okkar á Bylgjunni klukkan tólf og leitum viðbragða við tíðindunum niðri á Alþingi. Einnig verður grei...
Flokkarnir jafn­stórir - Vísir
📅 16.11.2026 👁️ 2
Flokkarnir jafn­stórir - Vísir
Ingvar tilkynnti um ákvörðun sína upp úr klukkan ellefu í dag með langri færslu á Facebook. Þar útskýrir hann hvers vegna hann telji sig ekki lengur e...
Vaktin: Stjórnar­liðum fækkar enn og aftur - Vísir
📅 16.11.2026 👁️ 3
Vaktin: Stjórnar­liðum fækkar enn og aftur - Vísir
Ingvar Þóroddsson hefur sagt sig úr þingflokki Viðreisnar og gengið til liðs við Sjálfstæðisflokkinn. Hann er þriðji þingmaðurinn sem yfirgefur þingfl...
Vara­þing­maður og barna­læknir fundu ástina - Vísir
📅 16.11.2026 👁️ 1
Vara­þing­maður og barna­læknir fundu ástina - Vísir
Diljá hefur verið viðriðin stjórnmál um margra ára bil. Eftir að hafa verið á lista Besta flokksins í Reykjavík árið 2010 og hjá Bjartri framtíð fjóru...
Ingvar segir sig úr Viðreisn og gengur í Sjálfstæðisflokkinn
📅 16.11.2026 👁️ 1
Ingvar segir sig úr Viðreisn og gengur í Sjálfstæðisflokkinn
Þingflokkur Viðreisnar minnkaði í annað sinn á um það bil mánuði í dag þegar Ingvar Þóroddsson sagði sig úr flokknum og gekk í Sjálfstæðisflokkinn. Jó...
Foo Fighters kemur til Íslands í sumar
📅 16.11.2026 👁️ 1
Foo Fighters kemur til Íslands í sumar
Ein stærsta rokkhljómsveit heims, Foo Fighters, hefur tónleikaferð sína TAKE COVER TOUR 2027 á Íslandi. Tónleikarnir fara fram í Nýju-Laugardalshöll þ...
Sema Erla segist ekki fá að kalla til lykilvitni í Solaris-málinu – Segir ákæruna lykta af pólitískum ofsóknum
📅 16.11.2026 👁️ 1
Sema Erla segist ekki fá að kalla til lykilvitni í Solaris-málinu – Segir ákæruna lykta af pólitískum ofsóknum
Sema Erla Serdaroglu, formaður hjálparsamtakanna Solaris, segir að sér hafi verið meinað að kalla til mikilvæg vitni í dómsmáli vegna landssöfnunar sa...
Áhrifamenn í Kísildalnum vilja koma Jensen Huang aftur til valda – Leita stuðnings Hvíta hússins
📅 16.11.2026 👁️ 1
Áhrifamenn í Kísildalnum vilja koma Jensen Huang aftur til valda – Leita stuðnings Hvíta hússins
Áhrifamiklir aðilar í tæknigeiranum vinna nú að því að koma Jensen Huang, stofnanda Nvidia, aftur í forstjórastól fyrirtækisins, aðeins nokkrum dögum ...
Kjúklingur á erlendri grundu en haukur heima fyrir
📅 16.11.2026 👁️ 1
Kjúklingur á erlendri grundu en haukur heima fyrir
Erna Bjarnadóttir skrifar: Daginn eftir þjóðaratkvæðagreiðsluna 29. ágúst hélt ríkisstjórnin blaðamannafund klukkan 13 til að fara yfir stöðuna. Strax...
Rifjar upp það sem Inga Sæland hefur gert og spyr: Hvar er þakklætið?
📅 16.11.2026 👁️ 1
Rifjar upp það sem Inga Sæland hefur gert og spyr: Hvar er þakklætið?
Kristinn T. Haraldsson, eldri borgari og félagi í Samfylkingunni, segir að frá lýðveldistímanum hafi enginn gert meira fyrir eldri borgara og öryrkja ...
Miliband says Russell Brand's crimes were 'heinous and awful'
📅 16.11.2026 👁️ 1
Miliband says Russell Brand's crimes were 'heinous and awful'
London Victims' Commissioner Andrea Simon also criticised Brand for message on his podcast saying he was innocent.
Engum kalt hjá Heiðari - Vísir
📅 16.11.2026 👁️ 2
Engum kalt hjá Heiðari - Vísir
Boðið var upp á lifandi tónlist, léttar veitingar og notalega stemningu en Tríóið Fjarkar sá um tónlistarflutning kvöldsins og hélt uppi góðri stemnin...
Man critical after being rescued from the sea in Tenerife
📅 16.11.2026 👁️ 1
Man critical after being rescued from the sea in Tenerife
A 58-year-old man was taken to hospital in a critical condition after being pulled from the sea at Playa Troya, in Playa Las Americas, yesterday morni...
Hunsuðu við­varanir um íranska dróna - Vísir
📅 16.11.2026 👁️ 1
Hunsuðu við­varanir um íranska dróna - Vísir
Nokkrum dögum eftir að Bandaríkjamenn hófu árásir á Íran, féllu bandarískir hermenn í drónaárás í Kúveit en einn hermaður sem lifði árásina af hefur h...
Dæmdir í samtals 24,5 ára fangelsi fyrir stórfellt smygl
📅 16.11.2026 👁️ 2
Dæmdir í samtals 24,5 ára fangelsi fyrir stórfellt smygl
Fimm menn voru í morgun sakfelldir fyrir fíkniefnasmygl. Þeir reyndu að koma tveimur kílóum af kókaíni og nær ellefu kílóum af amfetamíni fram hjá tol...
Zelensky hefur áhyggjur af leiðtogafundi forseta Kína, Rússlands og Bandaríkjanna
📅 16.11.2026 👁️ 1
Zelensky hefur áhyggjur af leiðtogafundi forseta Kína, Rússlands og Bandaríkjanna
Úkraínuher flaug 1.336 drónum í átt að Rússlandi í nótt að sögn rússneska varnarmálaráðuneytisins. Það sem af er ári hefur Úkraínuher aðeins einu sinn...
Danir og fleiri senda hælis­leit­endur til Rúanda - Vísir
📅 16.11.2026 👁️ 1
Danir og fleiri senda hælis­leit­endur til Rúanda - Vísir
Fimm ríki kynna brottvísunarstöðina í Rúanda í Vín síðar í dag. Auk Danmerkur ætla Austurríki, Þýskaland, Holland og Grikkland að senda hælisleitendur...
Heilbrigðisráðuneytið segir miklu muna um nýju einkareknu hjúkrunarrýmin í Urðarhvarfi
📅 16.11.2026 👁️ 1
Heilbrigðisráðuneytið segir miklu muna um nýju einkareknu hjúkrunarrýmin í Urðarhvarfi
Heilbrigðisráðuneytið segir að opnun 100 einkarekinna hjúkrunarrýma í Urðarhvarfi í Kópavogi fyrr á árinu hafi skipt miklu máli við að létta álagi á s...
Lestur eykst meðal Íslendinga: „Mjög ánægjulegt að sjá“
📅 16.11.2026 👁️ 1
Lestur eykst meðal Íslendinga: „Mjög ánægjulegt að sjá“
„Það eru allir sem ég heyri í sammála um það að það er mikill meðbyr með lestri og bókum þessa dagana,“ segir Hrefna Haraldsdóttir, framkvæmdastjóri M...
Íslendingar beina spjótum sínum að Apple – „Við eigum ekki að þurfa að setja á alarm“
📅 16.11.2026 👁️ 1
Íslendingar beina spjótum sínum að Apple – „Við eigum ekki að þurfa að setja á alarm“
Íslendingar eru hvattir til að taka þátt í undirskriftasöfnun þar sem skorað er á tæknirisann Apple að bjóða loksins upp á íslenskt notendaviðmót í iP...
Mikill verðmunur fyrir jólabaksturinn – Hér er oftast lægsta verðið
📅 16.11.2026 👁️ 1
Mikill verðmunur fyrir jólabaksturinn – Hér er oftast lægsta verðið
Mikill verðmunur er á algengum bökunarvörum milli matvöruverslana hér á landi og getur munurinn numið allt að 66 prósentum. Þá geta neytendur sparað t...
Stefnir allt í sigur hægri­flokkanna á Spáni - Vísir
📅 16.11.2026 👁️ 1
Stefnir allt í sigur hægri­flokkanna á Spáni - Vísir
Pedro Sánchez, forsætisráðherra og leiðtogi Sósíalistaflokksins, boðaði til skyndikosninga í síðasta mánuði. Það gerði hann í kjölfar þess að minnihlu...
22,5 stiga frost við Mývatn
📅 16.11.2026 👁️ 1
22,5 stiga frost við Mývatn
Kuldaboli bítur hressilega inn til landsins í dag. Frostið mældist 22,5 stig við Mývatn í morgun og er það mesti kuldi sem mælst hefur á landinu frá m...
Man charged after Leeds police pursuit crash which left two dead
📅 16.11.2026 👁️ 1
Man charged after Leeds police pursuit crash which left two dead
The 39-year-old, from Harrogate, is due to appear in court on Monday, police say.
Tyson-kjóllinn orðinn að kynslóðarflík - Vísir
📅 16.11.2026 👁️ 1
Tyson-kjóllinn orðinn að kynslóðarflík - Vísir
Manúela Ósk er framkvæmdastjóri Ungfrú Ísland og tók sjálf þátt í keppninni fyrir þó nokkrum árum, þegar hún var átján ára, og sigraði. Þar klæddist h...
Tyson-kjólinn orðinn að kynslóðarflík - Vísir
📅 16.11.2026 👁️ 0
Tyson-kjólinn orðinn að kynslóðarflík - Vísir
Manúela Ósk er framkvæmdastjóri Ungfrú Ísland og tók sjálf þátt í keppninni fyrir þó nokkrum árum, þegar hún var átján ára, og sigraði. Þar klæddist h...
„Blanda inn ein­hverju kyn­lausu tungu­máli“ - Vísir
📅 16.11.2026 👁️ 1
„Blanda inn ein­hverju kyn­lausu tungu­máli“ - Vísir
Inga Sæland menntamálaráðherra var til viðtals í Bítinu á Bylgjunni í morgun þar sem til umræðu voru einkunnir grunnskólanema. Nemendur í tíunda bekk ...
Hélt til í húsi á bannsvæði
📅 16.11.2026 👁️ 1
Hélt til í húsi á bannsvæði
Lögreglan á Vestfjörðum hafði afskipti af manni í íbúðarhúsi í Súðavík í gærkvöld. Í ljós kom að maðurinn hélt til í húsi sem er á hættusvæði, þar er ...
Foo Fighters biðla til Ís­lendinga að koma sér í skjól - Vísir
📅 16.11.2026 👁️ 2
Foo Fighters biðla til Ís­lendinga að koma sér í skjól - Vísir
Þetta kemur fram í tilkynningu frá Senu Live. Þar segir að miðasala muni hefjast á föstudaginn klukkan 10. Hægt er að skrá sig í póstlistaforsölu Senu...
Keyrði á tré á flótta undan lögreglu
📅 16.11.2026 👁️ 1
Keyrði á tré á flótta undan lögreglu
Lögreglan á Vestfjörðum handtók ökumann á Patreksfirði um helgina.Lögregla varð mannsins vör þar sem hann ók um Patreksfjörð og gaf honum merki um að ...
How casino entertainment adds to the hotel and tourism experience in the Canary Islands
📅 16.11.2026 👁️ 3
How casino entertainment adds to the hotel and tourism experience in the Canary Islands
The Canary Islands attract millions of visitors with their beautiful beaches, pleasant climate, comfortable hotels, and varied entertainment options. ...
Kvenleiðtogar funda í Hörpu - Vísir
📅 16.11.2026 👁️ 3
Kvenleiðtogar funda í Hörpu - Vísir
Lýðræði, jafnrétti, friður, efnahagslegt öryggi og alþjóðlegt samstarf er meðal þess sem verður til umræðu á fundinum. Vigdís Finnbogadóttir, fyrrvera...
Bein út­sending: Kvenleiðtogar funda í Hörpu - Vísir
📅 16.11.2026 👁️ 2
Bein út­sending: Kvenleiðtogar funda í Hörpu - Vísir
Lýðræði, jafnrétti, friður, efnahagslegt öryggi og alþjóðlegt samstarf er meðal þess sem verður til umræðu á fundinum. Vigdís Finnbogadóttir, fyrrvera...
Sigríður vill ekki vísa Albananum úr landi strax – Vill að sakamálið verði útkljáð fyrst
📅 16.11.2026 👁️ 3
Sigríður vill ekki vísa Albananum úr landi strax – Vill að sakamálið verði útkljáð fyrst
Sigríður Á. Andersen, þingmaður Miðflokksins og fyrrverandi dómsmálaráðherra, segir ekki koma á óvart að kærunefnd útlendingamála hafi fellt úr gildi ...
Dómsmálaráðuneytið vinnur að mælaborði um afbrotatölur
📅 16.11.2026 👁️ 3
Dómsmálaráðuneytið vinnur að mælaborði um afbrotatölur
Dómsmálaráðuneytið vinnur að mælaborði um afbrotatölfræði í samstarfi við lögreglu. Þetta kemur fram í viðtali Frosta Logasonar við Þorbjörgu Sigríði ...
UK and allies call on Israel to allow rapid humanitarian access to Gaza
📅 16.11.2026 👁️ 1
UK and allies call on Israel to allow rapid humanitarian access to Gaza
The UK, Australia, Canada and Italy say Israeli authorities are holding back vital supplies at the borders, including 150,00 tents.
Prince and Princess of Wales play street cricket in Mumbai
📅 16.11.2026 👁️ 3
Prince and Princess of Wales play street cricket in Mumbai
William and Catherine met locals on their visit to India, ahead of a meeting with Indian Prime Minister Narendra Modi later in the week.
40 gervihnettir Amazon eyðilögðust í misheppnuðu geimskoti
📅 16.11.2026 👁️ 3
40 gervihnettir Amazon eyðilögðust í misheppnuðu geimskoti
Eldflaug með 40 gervihnetti Amazon innanborðs bilaði um tíu mínútum eftir flugtak frá Cape Canaveral í Flórída í Bandaríkjunum í gær. Allir gervihnett...
Dvaldi á hættu­svæði í Súða­vík - Vísir
📅 16.11.2026 👁️ 3
Dvaldi á hættu­svæði í Súða­vík - Vísir
Þá barst Lögreglunni á Vestfjörðum í síðustu viku tilkynning um líkamsárás á Tálknafirði. Einn var handtekinn vegna árásarinnar sem er í rannsókn hjá ...
Hversu oft skiptir þú um rúmföt? Þetta safnast fyrir í rúminu þínu á hverri nóttu
📅 16.11.2026 👁️ 3
Hversu oft skiptir þú um rúmföt? Þetta safnast fyrir í rúminu þínu á hverri nóttu
Flestir vita að mikilvægt er að skipta reglulega um rúmföt, en hversu oft er raunverulega nauðsynlegt að gera það? Franskir heilbrigðissérfræðingar mæ...
Eigin­kona Brands tjáir sig í fyrsta sinn eftir dóminn - Vísir
📅 16.11.2026 👁️ 3
Eigin­kona Brands tjáir sig í fyrsta sinn eftir dóminn - Vísir
Breski grínistinn og leikarinn Russell Brand var á mánudag dæmdur í tíu og hálfs árs fangelsi fyrir kynferðisbrot. Hann var upphaflega ákærður í sex m...
Sjómenn í Eyjum uggandi
📅 16.11.2026 👁️ 4
Sjómenn í Eyjum uggandi
Félög sjómanna og útgerðarmanna í Vestmannaeyjum hafa sent frá sér sameiginlega yfirlýsingu. Þau vara við því að skorður verði settar við því hversu m...
Four people injured in apartment fire in Corralejo
📅 16.11.2026 👁️ 3
Four people injured in apartment fire in Corralejo
A man was taken to hospital with serious smoke inhalation after a fire broke out at an apartment in Corralejo on Saturday evening.Emergency services w...
Út­skrifuð af sjúkra­húsi mánuði eftir á­rás - Vísir
📅 16.11.2026 👁️ 4
Út­skrifuð af sjúkra­húsi mánuði eftir á­rás - Vísir
Eftir að ekið var á hana fyrir utan skrifstofu hennar þann 19. október var hún í alvarlegu ástandi um langt skeið. Það var ekki fyrr en þann 6. nóvemb...
UK weather: Met Office warnings for snow and ice as temperatures plummet
📅 16.11.2026 👁️ 3
UK weather: Met Office warnings for snow and ice as temperatures plummet
A spell of colder, wintry weather will grip some northern parts of the UK, bringing a threat of ice and hill snow at times.