Vendingar í borginni og tón­leikar í heima­húsum - Vísir

Fjórir sitja nú í gæsluvarðhaldi vegna rannsóknar á ætluðum innflutningi á fjórtán lítrum af amfetamínbasa með gámaflutningaskipinu Dettifossi. Við förum yfir málið í kvöldfréttum. Þá verður rætt við þingmenn og ráðherra að loknum hitafundi um ESB sem fór fram í utanríkismálanefnd í dag og við kíkjum á Andrésar Andar leikana á Akureyri.

Auk þess verðum við í beinni útsendingu frá Vestmannaeyjum þar sem tónlistarhátíðin Hljómey fer fram í kvöld en þar munu listamenn koma fram í heimahúsum íbúa. Við verðum einnig í beinni útsendingu frá tískusýningu fatahönnuða framtíðarinnar. Nemendur sem eru að útskrifast úr fatahönnun í Listaháskóla Íslands sýna verk sín í Hörpu í kvöld. Í Sportinu hittum við síðan Katrínu Ásbjörnsdóttur sem verður í nýju hlutverki í kringum Bestu deild kvenna í fótbolta í sumar.Þetta og margt fleira á samtengdum rásum Bylgjunnar, Sýnar og Vísis klukkan 18:30.