Kjörstöðum hefur verið lokað í þýska sambandsríkinu Saxlandi-Anhalt. Samkvæmt útgönguspám þýska ríkisútvarpsins hefur harðlínuflokkurinn Alternative für Deutschland (AfD) unnið stórsigur.
Flokknum er spáð 44,5% fylgi sem er meira en tvöföldun fylgis frá því í síðustu kosningum. Það er þó ekki nóg til að ná hreinum meirihluta á sambandsríkisþinginu.
Kristilegum demókrötum, flokki Friedrichs Merz kanslara, er spáð 18,5% fylgi og missir 18,6%. Sá flokkur hefur stýrt Saxlandi-Anhalt frá árinu 2002.
Kjörsókn var 65,4 prósent fyrir tveimur klukkustundum. Fleiri höfðu þá kosið en í kosningunum árið 2021.
Niðurstöður kosninganna liggja fyrir í nótt.
