Stór hópur í Samfylkingunni, eða óflokksbundið jafnaðarfólk, hefur skrifað opið bréf þar sem nýju lögunum um brottfararstöð er mótmælt og krafist að framkvæmd laganna verði stöðvuð. Allir þingmenn Samfylkingarinnar sem voru viðstaddir atkvæðagreiðslu í þriðju umræðu á Alþingi greiddu atkvæði með því að gera frumvarpið að lögum, aðeins þingmenn Miðflokksins og Framsóknarflokksins sátu hjá. Í greininni sem er birt á Vísi er þess einnig krafist að Samfylkingin taki málið fyrir:
„Við krefjumst þess jafnframt að Samfylkingin taki málið til formlegrar umræðu á vettvangi flokksins og endurskoði afstöðu sína í samræmi við samþykkta stefnu flokksins um mannúð, réttaröryggi og mannhelgi umsækjenda um alþjóðlega vernd.“
Líkt og DV hefur fjallað um er mikill titringur út af nýju lögunum og hafa fyrrum þingmenn og ráðherrar stigið fram og gagnrýnt þau harðlega. Samkvæmt lögunum skal brottfararstöðin ekki taka til starfa fyrr en 1. desember næstkomandi.
Sjá frétt: „Erfitt að horfa á mjúka flokkinn sinn vera orðinn svona harðan“
Hópurinn samanstendur af fyrrum ráðherrum, þingmönnum, borgarfulltrúum og öðru áhrifafólki innan Samfylkingarinnar, hópurinn vísar í stefnu flokksins sem var samþykkt á síðasta landsfundi:
„Í stefnu Samfylkingarinnar sem samþykkt var á síðasta landsfundi flokksins segir að nálgun flokksins í málefnum umsækjenda um alþjóðlega vernd skuli vera „út frá grunngildum jafnaðarstefnunnar með mannúð og virðingu fyrir mannréttindum að leiðarljósi“. Þar segir jafnframt: „Þá leggur Samfylkingin áherslu á réttaröryggi og mannhelgi umsækjenda um alþjóðlega vernd og þeirra sem hafa fengið synjun, þ.m.t. einstaklinga í umborinni dvöl, og leggst gegn varðhaldsvistun nema í undantekningartilvikum þegar nauðsyn ber til og engin önnur úrræði duga,“ segir í greininni.
„Í ljósi þessarar yfirlýstu stefnu er ótækt að sjá að þingflokkur Samfylkingarinnar hafi samþykkt lög sem innleiða einmitt varðhaldsvistun í þessum málaflokki, en lögin fjalla ekkert um „önnur úrræði“, sem grípa mætti til áður en til varðhaldsvistunar kemur.“
Þingmenn flokksins tóku ekki þátt í umræðum um málið á þingi í gær en Guðmundur Ari Sigurjónsson og Víðir Reynisson, þingmenn Samfylkingarinnar, skrifuðu grein þar sem segir að vistun í brottfararstöðinni væri lokaúrræði þegar önnur vægari úrræði hafi ekki dugað til.
„Það þarf að tryggja að ákvörðunum stjórnvalda sé framfylgt í þessum málaflokki eins og öðrum. Við í allsherjar- og menntamálanefnd lögðum okkur fram við að tryggja að það yrði gert með eins mildilegum hætti og mögulegt er. Ekki síst í þeim tilvikum þar sem fjölskyldur eiga í hlut.“
Telur hópurinn að það þurfi að doka við þar sem þingmenn Sjálfstæðisflokksins hafi hrósað Samfylkingunni fyrir sinnaskiptin:
„Þessi krappa hægri beygja í stefnu flokksins hefur ekki verið rædd á vettvangi flokksins og er að okkar mati í andstöðu við meginstefnu hans og grundvallarsjónarmið.“
Þá segir að lokum:
„Þessi ólög eru ekki í okkar nafni sett.“
Undir þetta skrifa:
Aðalheiður Birgisdóttir
Albína Hulda Pálsdóttir
Alexandra Ýr van Erven
Anna Lára Steindal
Anna Margrét Ólafsdóttir
Arna Sigríður Albertsdóttir
Arnór Bjarki Svarfdal
Auður Alfa Ólafsdóttir
Bjarni Jónsson
Björgvin G. Sigurðsson
Dóra Magnúsdóttir
Eiríkur Hermannsson
Eiríkur Hjálmarsson
Eiríkur Rögnvaldsson
Gréta Dögg Þórisdóttir
Guðmundur Andri Thorsson
Guðmundur Rúnar Árnason
Guðrún Jóna Jónsdóttir
Halla Gunnarsdóttir
Halla Halldórsdóttir
Haukur Jónasson
Hrannar Björn Arnarsson
Ingibjörg Stefánsdóttir
Ingiríður Halldórsdóttir
Ída Finnbogadóttir
Jasmina Vajzovic
Jónína Marta Árnadóttir
Katarzyna Kubiś
Kolbeinn Arnaldur Dalrymple
Kolbrún Lára Kjartansdóttir
Kristinn Örn Jóhannesson
Kristjana Fenger
Lilja Hrönn Önnudóttir Hrannarsdóttir
Linda Rún Jónsdóttir
Margrét Gauja Magnúsdóttir
Margrét M. Norðdahl
Margrét Tryggvadóttir
Nichole Leigh Mosty
Oddný Harðardóttir
Páll Halldórsson
Rósanna Andrésdóttir
Sabine Leskopf
Sigfús Ómar Höskuldsson
Siggeir F. Ævarsson
Sigrún Skaftadóttir
Sigurður Ingi R. Guðmundsson
Soffía Sigurðardóttir
Sólveig Ásgrímsdóttir
Stefán Jón Hafstein
Stein Olav Romslo
Svala Jónsdóttir
Vilborg Kristín Oddsdóttir
Vilhjálmur Þorsteinsson
Þorvaldur Sverrisson
Þórarinn Snorri Sigurgeirsson
