Mikill erill hefur verið hjá lögreglunni á Norðurlandi eystra undanfarna daga samhliða Bíladögum á Akureyri. Tveir einstaklingar eru í haldi vegna rannsóknar á alvarlegum líkamsárásum sem áttu sér stað í nótt.

Þetta kemur fram í frétt RÚV.

Alls voru þrjár líkamsárásir tilkynntar. Í öðru málinu missti brotaþoli meðvitund en í hinu hlaut einstaklingur nefbrot. Fjórir voru handteknir vegna árásanna.

Lögregla hefur einnig sinnt fjölda annarra verkefna. Fjórir gistu í fangaklefum aðfaranótt föstudags vegna ölvunarástands og fimm voru handteknir síðustu nótt.

Aukinn fjöldi gesta hefur einnig valdið meira álagi í umferðinni og nokkur minni háttar umferðaróhöpp hafa verið tilkynnt.