Mikill fjöldi sótti sýninguna en að henni lokinni spilaði DJ Kocoon, Árni Bragi Hjaltason, tónlist og gestir gátu keypt varning frá REW.
Í tilkynningu kemur fram að vídeóverkið hafi verið unnið úr áður óséðu arkívefni úr Reykjavík um aldamótin, blandað við nýtt efni og producerað við íslenskt hiphop.
„Eitt stórt mixtape,“ segir Benedikt Freyr í tilkynningunni.
Þar kemur einnig fram að Styrmir Hauksson sá um upptökur og hljóðvinnslu verksins. Míkrafónar voru staðsettir víðs vegar um KR-heimilið til að fanga stemninguna frá áhorfendum jafnt sem sviðinu sjálfu. Verkið var sýnt í Dolby 7.1 Surround í Bíó Paradís.
Í verkinu komu fram Traunerinn, B-Ruff, Gísli Galdur, Daron Karl, Byrkir B, Class B, Saint Pete, Alexander Jarl, Emilía Hugrún, Afkvæmi Guðanna, Emmsjé Gauti, Birnir og Subterranean.
