„Þetta er ekki grín að mínu mati. Og ef þetta á að vera grín þá er þetta lélegt grín,“ sagði Þorgerður Katrín Gunnarsdóttir utanríkisráðherra um samfélagsmiðlafærslu Donald Trump Bandaríkjaforseta þar sem Ísland, og fleiri lönd eins og Grænland og Kanada, var sýnt undir bandaríska fánanum.

Bandaríski sendiherrann á Íslandi var kallaður á fund utanríkisráðherra vegna færslunnar. Þorgerður sagði á blaðamannafundi ríkisstjórnarinnar að honum hefðu verið færð skýr skilaboð um að færslan væri „algjörlega óviðeigandi“.

„Mér hefur verið bent á, meðal annars ítrekað innan úr bandarískri stjórnsýslu, að við eigum kannski ekki að taka núverandi Bandaríkjaforseta bókstaflega en við eigum að taka honum alvarlega. Og það er nákvæmlega það sem við erum að gera,“ sagði Þorgerður.

Hún sagði Ísland fullvalda og sjálfstætt ríki sem réði sjálft sínum örlögum. „Það eru ekki aðrir sem geta höndlað með okkar sjálfstæði eða fullveldi. Við gerum það á okkar forsendum.“

„Móðgun við Íslendinga“

Kristrún …