Gertrude Stein og Alice B. Toklas áttu eina af áhuga­verð­ustu ást­ar­sögum heims­bók­mennt­anna; tvær les­b­íur sem lifðu saman sem hjón í París á fyrri hluta 20. aldar og voru í hring­iðu evr­ópsks lista­lífs á mestu umbrota­tímum módern­ism­ans.

Gertrude Stein var banda­rískur rit­höf­undur og lista­safn­ari, sem er lík­lega þekkt­ari fyrir goð­sögn­ina sem hún skap­aði í kringum nafn sitt heldur en eig­in­leg verk sín. Alice B. Toklas var sam­býl­is­kona Gertude Stein og síðar útgef­andi verka hennar, en ein þekktasta bók Stein heitir einmitt Sjálfsævi­saga Alice B. Toklas.

Hinsegin ástir og örlög

Ást þess­ara tveggja kvenna er umfjöll­un­ar­efni óper­unnar 27 sem er fyrsta verk­efni hins nýstofn­aða óperu­kompanís hinÓp­er­unnar og var frum­sýnd í Borg­ar­leik­hús­inu um síð­ustu helgi. Óperan var fyrst sett upp í Saint Louis í Banda­ríkj­unum fyrir hart­nær ára­tug með tón­list eftir Ricky Ian Gordon og líbrettó eftir Royce Vavrek og er sýn­ingin í Borg­ar­leik­hús­inu flutt á upp­runa­lega tungu­mál­inu, ensku.