Jón Ferdínand Estherarson er nýr formaður Sósíalistaflokksins en hann sigraði Sæþór Benjamín Randalsson, formann framkvæmdastjórnar, með 63% atkvæða. Sæþór var kjörinn varaformaður flokksins. Þetta kemur fram í tilkynningu frá flokknum.

Sósíalistaflokkur Íslands hélt aðalfund sinn árið 2026 yfir helgina 6. og 7. júní í Þingeyjarsveit. Eins og Heimildin greindi frá í gær var fundurinn ekki auglýstur opinberlega og fundarmenn fengu ekki að vita hvar hann færi fram fyrr en eftir að þeir höfðu skráð sig.

Er þetta í fyrsta sinn sem formaður og varaformaður eru formlega embætti innan flokksins. „Á meðal breytinga á lögum flokksins eru bein formanns og varaformannskjör og kjör 21 meðstjórnenda miðstjórnar sem kemur í stað þeirra þriggja stjórna sem flokkurinn byggði á áður,“ segir í tilkynningunni. „Um er að ræða eina stóra og breiða stjórn sem mun vinna útfrá stofnun nefnda skipuðum félögum úr grasrót í ýmis konar verkefni.“ …