Leikarinn og grínistinn John Cleese hefur lýst því yfir að hann segi skilið við Amnesty International eftir að samtökin birtu umdeilda skýrslu þar sem 51 bresk samtök voru skilgreind sem hluti af hreyfingu sem berst gegn mannréttindum.
Meðal þeirra sem Amnesty nefndi voru Beira’s Place, stuðningsmiðstöð fyrir konur sem orðið hafa fyrir kynferðisofbeldi og var stofnuð af rithöfundinum J.K. Rowling, For Women Scotland og stefnumótunarhópurinn Murray Blackburn Mackenzie.
Eftir mikla gagnrýni hefur Amnesty nú tekið skýrsluna tímabundið niður.
Amnesty International has now removed its report accusing women’s organisations of being “anti-rights groups”, possibly because it realised calling for removal of charitable status and funding met the criteria for serious financial loss required for a successful libel action. pic.twitter.com/uMkHu3q1Gd
— Gethin Chamberlain (@newsandpics) July 10, 2026
Amnesty sakaði samtökin um að vinna gegn réttindum LGBT fólks
Skýrslan var birt 10. júlí af Amnesty International UK og fjallaði um það sem samtökin kölluðu vaxandi hreyfingu sem berst gegn réttindum kvenna og LGBT fólks í Bretlandi.
Í uppfærðri útgáfu skýrslunnar var 51 svokölluðu „gender critical“ samtökum bætt á listann. Amnesty sagði að þau hefðu verið flokkuð sem samtök sem berjist gegn mannréttindum vegna þess að þau, að mati Amnesty, andmæla réttindum LGBT fólks.
Hörð viðbrögð frá Rowling og fleiri
J.K. Rowling brást harðlega við og sakaði Amnesty um að halda því fram að konur, stúlkur og samkynhneigðir ættu ekki skilið sömu réttindi og aðrir.
For Women Scotland sagði skýrsluna aumkunarverða og ekki samtökunum sæmandi, sem áður hefðu notið virðingar fyrir baráttu sinni fyrir mannréttindum. Samtökin bentu jafnframt á að þau hefðu nýlega unnið sigur gegn Amnesty fyrir Hæstarétti Bretlands í máli um lagalega skilgreiningu hugtaksins „kona“.
Stefnumótunarhópurinn Murray Blackburn Mackenzie óskaði eftir skýringum frá Amnesty á því á hvaða grundvelli samtökin hefðu verið skilgreind sem samtök sem berjist gegn mannréttindum.
Samkvæmt breskum fjölmiðlum hafa sum samtakanna jafnframt hótað málsókn vegna skýrslunnar.
Cleese rifjaði upp áratuga samstarf
Í kjölfar gagnrýni Rowling tók John Cleese, einn af meðlimum Monty Python, undir orð hennar á samfélagsmiðlinum X.
„Sem einn helsti fjáröflunaraðili Amnesty í gegnum tíðina þar sem ég framleiddi fyrstu fimm Secret Policeman’s Ball sýningarnar fyrir samtökin, segi ég skilið við þann múg sem nú stýrir Amnesty,“ skrifaði Cleese.
As a former major fund-raiser for Amnesty – I produced the first five ‘Secret Policeman’s Balls’ – I renounce the mob who have taken over Amnesty
Amnesty used to be about trying to do something about TORTURE https://t.co/CnsniJQImf
— John Cleese (@JohnCleese) July 11, 2026
Í annarri færslu lagði hann áherslu á að fjármunirnir sem safnað hefðu verið með sýningunum hefðu átt að renna til baráttunnar gegn pólitískum fangelsunum og pyntingum.
„Ekki fyrir þann tilgang sem nú knýr samtökin áfram,“ skrifaði hann.
I wish to point out that the money raised by the Secret
Policeman’s Ball writers and casts was intended to
be used for work against political imprisonment and tortureNot for the purposes of the mob who have taken Amnesty over https://t.co/wwoHRRtF6n
— John Cleese (@JohnCleese) July 12, 2026
Amnesty hefur tekið skýrsluna niður
Um helgina staðfesti Amnesty International UK að skýrslan hefði verið fjarlægð tímabundið á meðan fram færi innri endurskoðun.
Í yfirlýsingu sögðu samtökin að þau væru áfram staðráðin í að berjast fyrir mannréttindum, þar á meðal réttindum kvenna, LGBT fólks og transfólks.
Skoska dagblaðið, The Herald, spurði Amnesty jafnframt hvort samtökin myndu biðjast afsökunar á því að hafa sett Beira’s Place á listann, en samtökin svöruðu því ekki og ítrekuðu aðeins að skýrslan hefði verið tekin niður tímabundið á meðan endurskoðun stæði yfir.
