Hermann Nökkvi Gunnarsson, blaðamaður á Morgunblaðinu, hefur verið ráðinn aðstoðarmaður Vilhjálms Árnasonar, nýs bæjarstjóra Reykjanesbæjar.

Hann mun styðja við stefnumótun og auka skilvirkni í stjórnsýslunni, en hann tók áður þátt í kosningabaráttu Sjálfstæðisflokksins á svæðinu.

Í pistli á samfélagsmiðlum segir hann Reykjanesbæ vera „stórt og öflugt sveitarfélag sem snertir daglegt líf þúsunda íbúa með margvíslegum hætti. Verkefnin eru fjölbreytt og umfangsmikil og því er mikilvægt að bæjarstjóri hafi öflugan stuðning í eftirfylgni verkefna, samskiptum og stefnumótun. Það verður hlutverk mitt, rétt eins og hjá fyrri aðstoðarmönnum, að aðstoða við það, auka skilvirkni og stuðla að því að hlutirnir gangi sem best fyrir sig í þágu íbúa bæjarins.“