Fögnuðu nýjum vítamínum með stæl - MBL.IS

Það voru allir hesthraustir í höfuðstöðvum Feel Iceland við Strandgötu í Hafnarfirði þegar nýrri íslenskri vítamín- og bætiefnalínu frá Lóa Nordic var fagnað. Um er að ræða vítamínlínu sem þróuð er í samstarfi Feel Iceland, Bónus og Hagkaups. 

„Við erum búin að fá frábærar viðtökur síðan vörurnar komu í sölu fyrir um mánuði síðan. Það er ótrúlega ánægjulegt að sjá hvað fólk tekur þeim vel. Salan á Astaxanthin hefur farið fram úr björtustu vonum. Astaxanthin er náttúrulegt efni unnið úr örþörungum og er þekkt fyrir andoxunareiginleika sína sem hjálpa til við að verja frumur gegn oxunarálagi.

Einnig hefur Ashwagandha-blandan notið mikilla vinsælda. Hún inniheldur meðal annars járn, joð og B12-vítamín. Járn og B12-vítamín stuðla að minni þreytu og þreytutilfinningu, á meðan B-vítamín og joð stuðla að eðlilegri orkuvinnslu. Joð stuðlar jafnframt að eðlilegri starfsemi skjaldkirtils.

Við viljum gera fólki auðvelt að velja vönduð bætiefni sem henta þeirra þörfum. Þess vegna leggjum við áherslu á gæði, sjálfbærni, skýrar merkingar og aðgengilegar upplýsingar sem hjálpa fólki að taka upplýstar ákvarðanir um eigin heilsu og vellíðan,“ segir Hrönn Margrét Magnúsdóttir, framkvæmdastjóri Feel Iceland. Í línunni er að finna D3-vítamín, fjölvítamín, C-vítamín, magnesíum, ashwagandha-blöndu, B6, B9 og B12 vítamín, vörur fyrir liðheilsu, astaxanthin og kollagen með kopar og C-vítamíni.