Orðið á götunni: Alþingisvaktinni hleypt af stokkunum?

Næturvaktin, Dagvaktin og Fangavaktin slóu í gegn á sínum tíma með ódauðlega persónu Georgs Bjarnfreðarsonar í forgrunni sem Jón Gnarr gæddi ævarandi lífi. Er verið að þreifa fyrir sér með nýja þáttaröð, Alþingisvaktina? Erfitt var að ýta þeirri hugsun frá sér eftir umfjöllun fjölmiðla um upphlaup þingmannsins Jóns Gnarr þegar hann stal fyrirsögnum fjölmiðla á fimmtudaginn og varð fyrsta frétt RÚV í 10 mínútur þó svo að allt léki á reiðiskjálfi úti í heimi, fréttir af stórtjónum vegna óveðurs á Íslandi og að þing ASÍ, stærstu almannasamtaka Íslands, logaði í illdeilum.