Á milli febrúar og mars minnkaði árstíðarleiðrétt atvinnuleysi um 0,7 prósentustig. Hlutfall starfandi minnkaði um 0,3 prósentustig og atvinnuþátttaka minnkaði um eitt prósentustig.
Sé litið til mælinga án árstíðaleiðréttingar og samanburðar milli ára mældist atvinnuleysi meðal sextán til 74 ára gamalla 6,4 prósent í mars. Það markar aukningu um 2,7 prósentustig á milli ára.
Hlutfall starfandi minnkaði um 2,4 prósentustig milli ára og atvinnuþátttaka stóð svo gott sem í stað.
