Keir Starmer, fráfarandi forsætisráðherra Bretlands, fer til Úkraínu í dag til fundar við Volodomyr Zelensky, forseta Úkraínu.
Þetta verður síðasta ferð Starmers til landsins sem forsætisráðherra en hann víkur úr embætti í næstu viku fyrir Andy Burnham sem tekur við af Starmer sem leiðtogi Verkamannaflokksins og forsætisráðherra.
Búist er við að Starmer ítreki stuðning Bretlands við Úkraínu og að sá stuðningur haldi áfram þó að skipt verði um í brúnni í Bretlandi.
Starmer tilkynnti um afsögn sína 22. júní. Þrátt fyrir dvínandi vinsældir hans heima fyrir er hann sagður njóta virðingar margra erlendra þjóðarleiðtoga, sér í lagi fyrir stuðning sinn við Úkraínu og skuldbindingar við Atlantshafsbandalagið.
Starmer og Emmanuel Macron forseti Frakklands hafa leitt undirbúning fyrir friðargæslulið sem verður útsent til Úkraínu þegar friðarsamkomulag næst.
Þá kemur Bretland einnig að stóru 90 milljarða evra láni Evrópusambandsins til Úkraínu sem var samþykkt á mánudag.
