Héraðsdómur Reykjavíkur úrskurðaði 9. júlí síðastliðinn að bú Bryndísar yrði tekið til gjaldþrotaskipta og var Halldór L. Lárusson skipaður skiptastjóri sama dag. Frestdagur gjaldþrotaskiptanna var 1. júlí 2026.

Bryndís komst í fréttirnar á þessu ári þegar hún var dæmd fyrir umtalsverðan fjárdrátt úr Happdrætti Háskóla Íslands, árið 2023. Samkvæmt dóminum nam fjárdrátturinn um sjö milljónum króna og var hún sakfelld fyrir umboðssvik.

Í innkölluninni er öllum þeim sem telja sig eiga kröfur eða önnur réttindi á hendur búinu gefinn tveggja mánaða frestur til að lýsa kröfum sínum við skiptastjóra. Kröfulýsingar skulu berast með rafrænum hætti á netfang skiptastjóra.

Skiptafundur verður haldinn á skrifstofu skiptastjóra við Laugaveg 3 í Reykjavík þann 25. september 2026 klukkan 14:00. Þar verður farið yfir skrá yfir lýstar kröfur og ráðstöfun eigna og réttinda búsins.

Fram kemur jafnframt að komi ekkert fram um eignir í búinu verði skiptunum lokið á þeim fundi samkvæmt ákvæðum laga um gjaldþrotaskipti.