Rússnesk stjórnvöld hafa sagt erlendum ríkisborgurum og starfsmönnum sendiráða í Kyiv, höfuðborg Úkraínu, að yfirgefa borgina sem allra fyrst vegna áframhaldandi loftárása rússneska hersins.
„Árásirnar beinast bæði að ákvarðanatökumiðstöðvum og stjórnstöðvum...“ segir í yfirlýsingu rússneska utanríkisráðuneytisins.
Að minnsta kosti einn var drepinn og 20 særðust í árásum Rússa á Kyiv í nótt. Úkraínsk stjórnvöld og bandaríska sendiráðið hafa varað íbúa borgarinnar við hugsanlegum loftárásum og ráðlagt þeim að halda sig í loftvarnarbyrgjum.
