Að minnsta kosti fjórir fórust af völdum fellibyljarins Isaias sem skall á strönd Flórída og Alabama í gærkvöld.
Dregið hefur úr krafti Isaias en enn eru viðvaranir í gangi vegna vinds og flóða víða um suðausturhluta Bandaríkjanna. Yfir sjö hundruð þúsund voru án rafmagns í Flórída, Alabama og Georgíu síðdegis í dag að staðartíma.
Fréttamenn AFP fréttaveitunnar segja að fjöldi bíla hafi verið á hvolfi, tré brotin og rafmagnslínur slitnar eftir fellibylinn. Þá hefur einnig orðið tjón á þaki fjölda bygginga.
Fámennt var þó á götum úti við ströndina en yfirvöld fyrirskipuðu skyldurýmingu áður en fellibylurinn skall á.
