Grímuverðlaunin voru veitt við hátíðlega athöfn í 24. sinn í Þjóðleikhúsinu í kvöld og dró þar til töluverðra tíðinda. Veitt voru verðlaun í sextán flokkum auk þess sem veitt voru hvatningarverðlaun og heiðursverðlaun.
Sjá einnig: Ormstunga og Óresteia með flestar tilnefningar
Harmleikurinn Óresteia í leikstjórn Benedict Andrews var jólasýning Þjóðleikhússins á þessu leikári og hlaut fern verðlaun. Óresteia var valin sýning árins, Benedict Andrews var verðlaunaður fyrir leikrit ársins, Nína Dögg Filippusdóttir var valin besta leikkona í aðalhlutverki og Elín Hansdóttir hlaut verðlaun fyrir bestu leikmynd.
Barnasýningin Lína Langsokkur í leikstjórn Agnesar Wild hlaut einnig fern verðlaun. Lína langsokkur var valin barnasýning ársins, Agnes Wild var valin leikstjóri ársins, Kjartan Darri Kristjánsson og Oddur Júlíusson hlutu verðlaun sem leikarar í aukahlutverki og svo var Eva Björg Harðardóttir verðlaunuð fyrir búninga ársins.
Óperan Sæmundur Fróði var sett upp í Tjarnarbíó í leikstjórn Ágústu Skúladóttir og hlaut sýningin tvenn verðlaun í ár. Björk Níelsdóttir var valin söngkona ársins og svo voru Þórunn Guðmundsdóttir og Hrafnkell Orri Egilsson verðlaunuð fyrir tónlist og hljóðmynd ársins í sýningunni.
Árni Pétur Guðjónsson var valin leikari ársins í aðalhlutverki fyrir leik sinn í Skammarþríhyrningnum í leikstjórn Grétu Kristínar Ómarsdóttur í Borgarleikhúsinu.
Berglind Alda Ástþórsdóttir var valin leikkona ársins í aukahlutverki fyrir leik sinn sem Ófelía í Hamlet í leikstjórn Kolfinnu Nikulásdóttur í Borgarleikhúsinu.
Hiroki Ichinose var valinn dansari ársins fyrir dans sinn í Garðinum eftir Íslenska dansflokkinn.
Danshöfundur ársins var Sally Cowdin í samstarfi við Anaïs Barthe, Alona Perepelytsia og dansara Ballet Axis fyrir danssýninguna Pointe of Axis sem var sýnd í Tjarnarbíói. Þá hlaut Sally Cowdin einnig verðlaun með Júlíu Kolbrúnu Sigurðardóttur fyrir dans- og sviðshreyfingar ársins í Söngleiknum Kabarett sem var sýndur í Þjóðleikhúskjallaranum.
Andreu Fàbregas Granes og Owen Hindley voru svo verðlaunaðir fyrir lýsingu ársins í dansverkinu Flækt í Tjarnarbíói.
Flest verðlaun rötuðu til Þjóðleikhússins sem fékk níu verðlaun úr 36 tilnefningum. Borgarleikhúsið fékk aðeins tvenn verðlaun úr fimmtán tilnefningum en hlaut einnig hvatningaverðlaun valnefndar fyrir barna- og ungmennastarf leikhússins. Tjarnarbíó hlaut fern verðlaun úr 18 tilnefningum og Íslenski dansflokkurinn ein verðlaun.
Listann yfir bæði sigurvegara og tilnefnda má sjá í heild sinni hér að neðan, auk hvatningar- og heiðursverðlauna neðst.
Sýning ársins
- Ormstunga - Þjóðleikhúsið
- Óresteia - Þjóðleikhúsið
- Salka - ástin og dauðinn - Landnámssetrið í Borgarnesi í samstarfi við Þjóðleikhúsið
- Sérstæðan - Rósa Ómarsdóttir í samstarfi við MurMur Productions og Tjarnarbíó
- Söngleikurinn Kabarett - Leikhús ókunnuga fólksins í samstarfi við Þjóðleikhúsi
Leikrit ársins
- Ormstunga - Hafsteinn Níelsson og Ólíver Þorsteinsson
- Óresteia - Benedict Andrews
- Rómantísk gamanmynd - Sigurður Ámundason, Jóhann Kristófer Stefánsson og Tatjana Dís Aldísar Razoumeenko
- Salka - ástin og dauðinn - Unnur Ösp Stefánsdóttir, byggt á skáldsögu eftir Halldór Laxness
- Sæmundur Fróði - Þórunn Guðmundsdóttir
Barnasýning ársins
- Engan asa Einar Áskell
- Galdrakarlinn í Oz
- Hreiðrið
- Innblástur
- Lína Langsokkur
Leikstjóri ársins
- Kolfinna Nikulásdóttir fyrir Hamlet
- Agnes Wild fyrir Línu Langsokk
- Gísli Örn Garðarson fyrir Ormstungu
- Benedict Andrews fyrir Óresteiu
- Gréta Kristín Ómarsdóttir fyrir Skammarþríhyrninginm
Leikkona í aðalhlutverki
- Ásthildur Úa Sigurðardóttir í Óresteiu
- Birta Sólveig Söring Þórisdóttir í Línu Langsokk
- Ebba Katrín Finnsdóttir í Óresteiu
- Nína Dögg Filippusdóttir í Óresteiu
- Unnur Ösp Stefánsdóttir í Sölku - ástinni og dauðanum
Leikari í aðalhlutverki
- Atli Rafn Sigurðarson í Óresteiu
- Árni Pétur Guðjónsson í Skammarþríhyrningnum
- Elísabet Skagfjörð í Engan asa Einar Áskell
- Jakob van Oosterhout í Ormstungu
- Kristinn Óli S. Haraldsson í Ormstungu
Leikkona í aukahlutverki
- Berglind Alda Ástþórsdóttir í Hamlet
- Margrét Vilhjálmsdóttir í Íbúð 10B
- Ólafía Hrönn Jónsdóttir í Ormstungu
- Sólveig Arnarsdóttir í Galdrakarlinum í Oz
- Vigdís Halla Birgisdóttir í Elskan, er ég heima?
Leikari í aukahlutverki
- Björn Stefánsson í Moulin Rouge!
- Fannar Arnarsson í Skammarþríhyrningnum
- Hilmir Jensson í Galdrakarlinum í Oz
- Kjartan Darri Kristjánsson í Ormstungu
- Kjartan Darri Kristjánsson og Oddur Júlíusson í Línu Langsokk
Söngvari ársins 2026
- Björk Níelsdóttir í Sæmundi Fróða
- Bryndís Guðjónsdóttir í La bohéme
- Jóna G. Kolbrúnardóttir í Carmen
- Kristinn Óli S. Haraldsson í Ormstungu
- Rán Ragnarsdóttir í Ormstungu
Dansari ársins 2026
- Erna Gunnarsdóttir í Flóðreka
- Hiroki Ichinose í Garðinum
- Íris Ásmundar í See instructions
- Jón Sigurður Gunnarsson og Sally Cowdin í Sirkusmolar
- Sally Cowden í Point of Axis
Búningar ársins
- Júlíanna Lára Steingrímsdóttir - Galdrakarlinn í Oz
- Eva Björg Harðardóttir - Lína Langsokkur
- Þórunn María Jónsdóttir - Niflungahringurinn
- Filippía I. Elísdóttir - Óresteia
- Hulda Kristín Hauksdóttir - Söngleikurinn Kabarett
Danshöfundur ársins
- Aðalheiður Halldórsdóttir - Flóðreka
- Sally Cowdin í samstarfi við Anaïs Barthe, Alona Perepelytsia og dansara Ballet Axis - Pointe of Axis
- Rósa Ómarsdóttir - Sérstæðan
Tónlist og hljóðmynd ársins
- Jónsi fyrir sýninguna Flóðreka
- Katrín Lóa Hafsteinsdóttir fyrir tónlist í Mergi
- Hafsteinn Níelsson og Jóhannes Damian R. Patreksson fyrir tónlist í Ormstungu
- Bára Gísladóttir fyrir tónlist í Óresteiu
- Þórunn Guðmundsdóttir og Hrafnkell Orri Egilsson fyrir Sæmund Fróða
Dans- og sviðshreyfingar ársins
- Ernesto Camilo Valdes og Kolfinna Nikulásdóttir í Hamlet
- Lea Alexandra Gunnarsdóttir, Jökull Smári Jakobsson, Nikulás Hansen Daðason í Innblæstri
- Juulius Vaiksoo og Leevi Rauhalahti í Mergi
- Liam Steel í Ormstungu
- Júlía Kolbrún Sigurðardóttir og Sally Cowdin í Söngleiknum Kabarett
Lýsing ársins
- Jónsi og Isaac Cohen í Flóðreka
- Andreu Fàbregas Granes og Owen Hindley í Flækt
- Gunnar Hildimar Halldórsson í Galdrakarlinum í Oz
- Ásta Jónína Arnardóttir í Innblæstri
- Katerina Blahutova í Sérstæðunni
Leikmynd ársins
- Eva Signý Berger í Galdrakarlinum í Oz
- Bryndís Ósk Þ. Ingvarsdóttir í Innblæstri
- Ilmur Stefánsdóttir í Ormstungu
- Elín Hansdóttir í Óresteiu
- Rósa Ómarsdóttir, Sean Patrick O'Brian, Valdimar Jóhannsson, Katarina Blahutova og Owen Hindley í Sérstæðunni
Hvatningarverðlaun valnefndar
- Barna- og ungmennastarf Borgarleikhússins
Heiðursverðlaun
- Þórunn Elísabet Sveinsdóttir, myndlistarkona og búningahönnuður, fyrir áratugastarf í íslensku leikhúsi.
