Nokkrir fórust þegar skólarúta varð fyrir lest í Buggenhout í Belgíu í morgun. Staðfest hefur verið að fólk hafi farist í slysinu en ekki hefur verið gefið upp hversu margir.
Níu voru í rútunni; sjö nemendur, bílstjóri og umsjónarmaður nemendanna.
Slysið varð klukkan 8:08 að staðartíma í morgun. Ekki er ljóst hverjar orsakir slyssins eru. VRT-fréttamiðillinn í Belgíu segir að hlið við lestarsporið hafi verið niðri en rauð ljós á umferðarljósum sem stýra umferð yfir lestarteinana. Fjölmiðillinn hefur eftir embættismanni að nokkrir hafi látist í slysinu.
VRT hefur eftir Thomas Baeken hjá belgíska lestarfélaginu að lestarstjórinn hafi verið búinn að hægja á lestinni. Slysið varð um einn kílómetra frá lestarstöð. Lestarstjórinn reyndi að neyðarhemla þegar hann varð rútunnar var en tókst ekki að koma í veg fyrir slysið.
Bernard Quintin, innviðaráðherra Belgíu, lýsti miklum harmi yfir slysinu og sagði hug sinn vera hjá fórnarlömbum þess og aðstandendum þeirra. Um óskaði hann þeim sem slösuðust styrks.
Fréttin hefur verið uppfærð.
