Nú þegar lokatölur liggja fyrir í fimm af sex kjördæmum á landinu er ljóst að þjóðin hefur hafnað því að hefja á ný aðildarviðræður við ESB.
Svona féllu atkvæði eftir kjördæmum
Mest afgerandi var niðurstaðan í Norðvesturkjördæmi, þar sem 62,9% sögðu nei en 37,1% já.
Þar á eftir kom Norðausturkjördæmi, þar sem 38,8% sögðu já en 61,2% nei.
Í Suðurkjördæmi sögðu 39,5% já en 60,5% nei.
Augu margra voru á Suðvesturkjördæmi, nágrenni Reykjavíkur. Spálíkan Hafsteins Einarssonar, doktors í stjórnmálafræði, hafði sýnt að niðurstaðan þar gæti ráðið úrslitum. Fyrstu tölur í kjördæminu reyndust hnífjafnar, en eftir því sem leið á bætti nei-hliðin við sig.
Í Reykjavíkurkjördæmi suður sögðu 54,5% já en 45,5% nei.
Reykjavíkurkjördæmi norður var það kjördæmi sem var hlynntast aðildarviðræðum. Þar sögðu 57,5% já en 42,5% nei.
