Hundruð söfnuðust í Kyiv, höfuðborg Úkraínu, í morgun til að mótmæla brottrekstri Mykhailos Fedorovs úr embætti varnarmálaráðherra. Mótmælt var í mörgum borgum landsins af sama tilefni.
Fedorov greindi frá því í gær að hann léti af embætti í tengslum við uppstokkun á ríkisstjórn landsins. Þing landsins samþykkti í gær afsögn Yuliu Svyrydenko forsætisráðherra.
Fedorov hefur notið mikilla vinsælda í embætti. Hann var meðal fyrstu talsmanna þess að leggja áherslu á stórfellda notkun dróna í stríðinu við Rússa. Hann samdi líka við Elon Musk um aðgang úkraínskra hermanna að Starlink-gervihnattakerfinu og um að loka á aðgang Rússa að því.
Zelensky greindi frá því á þriðjudag að hann hygðist stokka upp stjórnina.
