Helga Dögg Sverrisdóttir skrifar:

Halldóra Jóhanna Hafsteinsdóttir kennari skrifar á Facebook að engin vafasöm fræðsla fari fram í Vesturbæjarskóla. Ljómandi. En, lesskilningur Halldóru Jóhönnu virðist svíkja hana. Það hefur engin talað um vafasama fræðslu í Vesturbæjarskóla. Hefur hún einhverju að leyna kennarinn?

Foreldrar í Vesturbæjarskóla kæra sig ekki um fræðslu trans hugmyndafræðinnar, það er allt sem skrifað var um. Enginn minnst orði, nema Jóhanna, á eitthvað vafasamt.

En vissulega myndi ég spyrja spurninga ef kennari, eins og Halldóra Jóhanna stillir sér upp á Facebook síðu sinni, kenndi barninu mínu. Er hægt að reikna með hlutleysi kennara sem birtir myndir af sér á þennan hátt og reynir að afsaka að ekkert vafasamt fari fram, án ástæðu. Set spurningarmerki við það.

Í athugasemd þar sem vakin er athygli á færslu Halldóru Jóhönnu stendur: ,,Hérna, hvernig hefur þessi kona haldið vinnu með börnum? Hefur enginn verið svo almennilegur að sýna vinnuveitendum hennar brot af því hvernig hún hagar sér á netinu? Þar er hægt að nefna hótanir, umsátur, meiðyrði, áreitni, að segja konum að troða hlutum upp í píkuna á sér og margt fleira svo ógeðslegt að það er ekki hafandi eftir. Það eitt og sér að þessi veika manneskja leggur blessun sína yfir þetta fræðsluefni ætti að gefa til kynna að það sé ekki alveg í lagi og vert að taka til endurskoðunar.“

Halldóra Jóhanna virðir ekki rétt foreldra til að taka ákvörðun fyrir eigið barn. Segir meira um ástandið í skólanum en nokkurn grunar. Í stað þess að verja ákvörðun foreldra og segja, að sjálfsögðu á nemandinn að fá undanþágu frá trans ,,fræðslu“ (innrætingu), þá veltir hún upp eigin hugmyndum. Foreldrarétturinn að engu gerður hjá kennaranum.

Kennarinn í Vesturbæjarskóla vill hræða fólk til þöggunar, það er stíll þeirra sem hugnast trans hugmyndafræðin, hlustið:

Margir innan kennarastéttarinnar eru aðgerðasinnar og nota hvert tækifæri til að koma því áleiðis. Það á við um Palestínu, trans hugmyndafræðina og annað sem þeim hugnast. Kannski þekkja þessi kennarar ekki vammleysisregluna, ekki frekar en lögreglumaðurinn í Borgarnesi.

Heiða Björg Guðjónsdóttir kennari í Síðuskóla er einn aðgerðarsinni sem krefst uppsagnar fólkssem hefur aðra skoðun en hún. Nefna mætti fleiri kennara á Akureyri, suma í trúnaðarstörfum fyrir Félag grunnskólakennara, sem eru aðgerðasinnar í þágu trans hugmyndafræðinnar.

Skólastjóri Álftamýrarskóla, Hanna Guðbjörg, sýndi og sannaði hvað grunnskólarnir eru djúpt sokknir. Skólastjóri Vesturbæjarskóla, Margrét Einarsdóttir er stéttinni til skammar. Eflaust mætti finna fleiri skólastjóra. Skólastjóri á Akureyri sem virti ekki hlutleysi á kaffistofu starfsmanna, þar var áróður.

Aulabárðarnir í Félagi grunnskólakennara  snúa blinda auganu að og eru meðvirkir. Kannski er það skýring á af hverju grunnskólakennarar nenna ekki að taka þátt með þessu félagi. Kosningaþátttaka er hrein hörmung, menn vilja varla af félaginu vita. Núverandi formaður á þar sök. Enginn annar.

Séu menn í vafa um hver óskin í Vesturbæjarskóla sé, af því Halldóra Jóhanna kennari sem þar vinnur kemur hlutunum ekki rétt frá sér, þá lesið hér.