Helga Dögg Sverrisdóttir skrifar:

Ítalir vilja banna búrku og niqab í skólum.

Þeir setja einnig lög um hve margir útlenskir nemendur megi vera í hverjum bekk. Þetta er eitthvað sem er löngu tímabært, þó fyrr hefði verið segja margir.

Í dag verður lagt fram frumvarp á ítalska þinginu sem leggur til bann við búrku og niqab í skólum landins og setur þak á fjölda útlendinga í bekk.

Giorgia Meloni tilkynnti þetta s.l. sunnudag á ungmennafundi flokksins, Bræður Ítalíu.

Tillagan mun einnig skylda foreldra útlenskra nemenda, sem glíma við alvarlega aðlögunarhæfni í ítölsku samfélagi að læra ítölsku.

Hún rökstyður mál sitt bæði með inngildingu og kennslunni.

„Ef aðeins eitt barn í bekknum skilur ekki ítölsku, mun barnið líklega læra tungumálið fljótt með hjálp frá kennara og bekkjarfélögum. En ef fjöldi barna sem skilja ekki tungumálið verður mikill – eða jafnvel meirihluti – þá er þetta ekki lengur samþætting. Þetta er vanræksla.“

Hún lagði jafnframt áherslu á að nemendur eigi að mæta í skólann þannig að andlit þeirra sjáist:

„Á Ítalíu getur enginn með vísan til raunverulegrar eða tilvísunar til hefðar ákveðið að ung kona skuli fela sig.“

Meloni upplýsti ekki hve fjöldi útlendinga í bekk ætti að vera. Nemendur sem ekki kunna ítölsku eru um 11.6% af nemendum í skólum landsins.

Þetta snýst að þessu sinni um tilkynnta löggjöf. Tillagan hefur ekki enn verið lögð fram né samþykkt.

Áætlanir Ítala koma á sama tíma og víðtæk evrópsk umræða um hulin andlit á opinberum stöðum og stofnunum. Hér er ekki bara verið að tala um búrku heldur allt sem hylur andlit. Víða í mótmælum má sjá mótmælendur hylja andlit sín og það er líka bannað samkvæmt banninu. Rökrétt.

Frakkland, Belgía, Danmörk og Austurríki hafa þegar innleitt almenn bönn á klæðnaði sem hylur andlit á opinberum stöðum. Sviss tók upp svipað landsþekkt bann árið 2025.

Holland hefur síðan 2019 haft takmarkaðri bann, sem gildir meðal annars í menntastofnunum, á sjúkrahúsum, í opinberum byggingum og í almenningssamgöngum.

Reglurnar beinast að földu andliti eins og niqab og búrka, ekki gegn hijab og öðrum höfðufötum þar sem andlitið er sýnilegt.

Heimild: Italy to ban veils in schools, limit foreign students per class, Meloni says | CNN