Tröppurnar við Grafarvogskirkju virðast hafa fengið nýtt útlit í nótt eftir að íslenski fáninn var málaður yfir svokallaðan inngildandi framfarafána sem þar hafði verið málaður áður.
Ekki liggur fyrir hver eða hverjir stóðu að verkinu. Heimildarmaður sem greindi Nútímanum frá breytingunni óskaði eftir nafnleynd.
Ekki er ljóst hvenær verkið var unnið nákvæmlega né hvort það hafi verið gert með eða án leyfis.
Ekki náðist í lögreglu eða Grafarvogskirkju við vinnslu fréttarinnar en svör verða birt ef þau berast.
