Heppinn Íslendingur, sem keypti sér miða í N1 við Austurveg á Selfossi, var meðal þeirra tíu sem deila með sér 2. vinningi í EuroJackpot.
Fær hver vinningshafi rúmlega 336 milljónir króna í sinn hlut.
Hinir miðarnir voru keyptir í Finnlandi, Slóveníu, tveir í Svíþjóð og fimm í Þýskalandi. Þá voru níu með 3. vinning og fær hver þeirra rúmar 35 milljónir í vasann. Fimm miðanna voru keyptir í Þýskalandi, tveir í Finnlandi, einn á Spáni og einn í Tékklandi. Fyrsti vinningur gekk ekki út að þessu sinni.
Enginn var með 1. vinning í Jóker en 5 voru með 2. vinning og fær hver 125.000 kr. Einn miði var keyptur í Lottó appinu og fjórir á lotto.is.
