Yfirmaður efnahagsbrotadeildar norsku lögreglunnar segir málið grafalvarlegt og það fyrsta sem kemur upp þar sem NATO er fórnarlamb fjársvika í Noregi.
Rannsókn hófst eftir ábendingu frá Atlantshafsbandalaginu sjálfu sem taldi sig hafa verið ofrukkað af fyrirtæki fyrir þjónustu í norskum höfnum frá 2021 til 2025.
Alls á fyrirtæki mannanna að hafa ofrukkað NATO um tíu milljónir norskra króna, jafnvirði tæpra 129 milljóna íslenskra króna, að því er segir í frétt norska ríkisútvarpsins.
Mennirnir voru handteknir heima hjá sér en lögregla gerði einnig húsleit í húsakynnum fyrirtækisins. Hald var lagt á skjöl og stafræn gögn. Samhlið leitaði lögregla í Rúmeníu og Þýskalandi hjá nokkrum fyrirtækjum sem eru staðsett þar.
Norskir saksóknarar segja að skip frá nokkrum NATO-ríkjum hafi verið féflettt í norskum höfnum en of snemmt sé að segja til um hvaða ríki báru skaðann af prettunum.
