Helga Dögg Sverrisdóttir skrifar:
Rétt eins og sólin rís upp í vestri og sest niður í austri, þá er karlmaður karl og kvenmaður kona. Ekkert fær þessum staðreyndum breytt.
Það má undrun sæta, að félagsskapur sem kallar sig Kvenréttindafélag Íslands berjist fyrir réttindum karlmanna, sem hafa látið tilfinningar og upplifun ráða för og skráð sig sem konu. Ekkert breyttist frá náttúrunnar hendi, líkaminn, heilinn eða litningasamsetning líkamans. Breyting er á pappírum.
Kvenréttindafélag Íslands hefur munað sinn fífil fegri. Félag sem konur treystu á að myndi berjast fyrir réttindum kvenna. En nú er öldin önnur. Félagsskapnum er ekki treystandi fyrir málefnum kvenna.
Kvenréttindafélag Íslands leggst gegn réttlátri keppni og öryggi í kvennaíþróttum, hvort sem það eru yngri eða eldri konur.
Trump veit meira en konur í Kvenréttindafélag Íslands
Merkilegt til þess að hugsa að núverandi forseti Bandaríkjanna veit hvað kona er, það sem félagar í Kvenréttindafélagi Íslands virðast ekki vita.
Ef félagsmenn vissu það myndu þeir ekki óska eftir að íþróttasambönd hafni ákvörðun OL nefndarinnar að taka litningapróf úr keppendum á OL í kvennaflokkum, til að vernda konur. Verið er að skima fyrir Y- litningi sem tilheyrir karlmönnum. Einfalt próf, pinni upp í munnholið, það er allt. Reynslan sýnir að þetta er nauðsynlegt.
Í kosningabaráttun forsetaefnanna í USA hópuðust konur að baki Trump því hann lofaði þeim að standa vörð um íþróttir þeirra, einkynja rými og að réttindi þeirra yrði ekki brotin á bak aftur. Tryggja átti réttláta keppni. Kamila Harris gat ekki lofað því og því fór sem fór. Sjaldan talað um þennan anga sigurs Trump.
Sundkonan Railey Ganes lenti heldur betur í dómstóli götunnar þegar hún benti á karlmann, sem skilgreinir sig sem konu, og keppti í sundi m.a. á móti henni. Að sjálfsögðu vann hann. Líkamlegir yfirburðir eru augljósir.
Auðvelt að grípa í lygina
Menn ganga svo langt að segja Railey Ganes berjast gegn viðurkenningu á trans-fóllki. Rangt.
Ekkert í máli hennar bendir til þess. Hún hefur, og samtök sem voru stofnuð til að vernda stúlkur í íþróttum, barist fyrir einkynja íþróttum og rýmum.
Hér á landi gerist það sama. Fólk sem talar fyrir réttindum stúlka og kvenna er sakað um að hafna tilvist þeirra sem kalla sig trans. Rangt.
Hins vegar, þegar réttindi þeirra sem skilgreina sig trans ganga á réttindi stúlkna og kvenna, þá á að spyrna við fæti. Fleiri en færri og stjórnmálamenn ekki hvað síst. Það voru þeir sem eyðilögðu réttindi kvenna með lögum um kynrænt sjálfræði.
Það er stórmerkilegt að þeir sem skilgreina sig trans skuli þyki sjálfsagt að hafa af öðrum hópi réttindi og jafnræði, þá venjulega stúlkum og konum.
Tökum höndum saman, verjum réttindi stúlkna og kvenna.
