Ágúst Bjarni Garðarsson hefur keypt hið rótgróna hafnfirska bæjarblað, Fjarðarfréttir. Þetta kemur fram á vef miðilsins,  fjardarfrettir.is. Guðni Gíslason hefur verið eigandi og ritstjóri blaðsins um árabil. Samkvæmt greininni er það ráðgjafafyrirtæki Ágústs Bjarna, Vissa ehf., sem kaupir blaðið.

Ráðgjafarfyrirtækið komst í fréttirnar fyrir síðustu sveitarstjórnarkosningar, en flokksbróðir Ágústs og þáverandi bæjarstjóri, Valdimar Víðisson, var gagnrýndur fyrir að kaupa þjónustu af ráðgjafafyrirtækinu sem nú hefur fest kaup á Fjarðarfréttum.

Það er félag Guðna, Hönnunarhús ehf., sem selur en ekkert kaupverð er að finna í grein Fjarðafrétta um eigin sölu. Guðni er Hafnfirðingum vel kunnugur enda rak hann lengi bæjarblaðið Fjarðarpóstinn en hann hefur síðustu tíu ár stýrt Fjarðarfréttum.

Ráðlagði bæjarstjóra 

Heimildin greindi frá því fyrr í sumar að ráðgjafafyrirtækið Vissa hefði átt gott rekstrarár á síðasta ári samkvæmt ársreikningi félagsins. Þá velti félagið 40 milljónum króna og …