Samfélagsmiðlar íslensks stjórnmálafólks eru alltaf undir smásjá og því sem þar fer fram gert skil með reglubundnum og skemmtilegum hætti í Spursmálum. Yfirferðina má í heild sinni sjá í meðfylgjandi myndskeiði eða í rituðu máli hér að neðan.
Sumarið búið áður en það byrjaði
Vikurnar líða hjá á ógnarhraða og sumarið verður sennilega búið áður en það byrjar - eða það er alla vega svona tilfinningin. En það skiptir svo sem engu máli því Simmi Dabbi krúttaði svo allverulega yfir sig í vikunni að það var bjartara en sumarið og sólin til samans.
Sigmundur Davíð og hvolpurinn Klara
Nei sko, það halda allir að hann sé eitthvað voða harður spaði, svaka bad boy eitthvað, en hann er svo mjúkur bangsi að það er ekkert venjulegt. Mjúkur að innan sem utan. Þarna kynnti hann til leiks lítinn og sætan voffaling til sögunnar sem var klappað og klórað á milli hámhorfs á Sopranos með dótturinni. Maður veit bara ekki hvort þeirra er meira krútt, voffalingur eða Simmi Dabbi.
Allir sjúkir í Blæju
Rósa Guðbjarts fékk sér líka lítinn krúttlegan hund á dögunum sem hefur fengið nafnið Blæja. Jesús minn eini sanni, ég krúttast bara upp um allan líkamann. Sjáið hvað hún er sæt. Auðvitað öll fjöllan hennar Rósu alveg sjúk í hana. Sko, Blæju ekki Rósu. Þessi loðdýra hamingja er öll Ingu Sæland að þakka, það var hún sem kom ferfætlingafrumvarpinu í gegn í fyrra. Ég skal bara taka það að mér að segja: takk elsku Inga, fyrir hönd Simma Dabba og Rósu.
Mótmælendur trufluðu Snorra
Snúlli Másson hefur ekki átt sjö dagana sæla undanfarið. Litla eineltið sem maðurinn hefur orðið fyrir í beinni útsendingu bara. Djís. Í vikunni réðist einhver rumpulýður inn á þingpalla Alþingis og trufluðu aumingja Snúlla í miðri ræðu. I mean how low can you go sko? Greyið Snúlli.
Borgarstjóraskvísan tók við lyklunum
Hildur fokking Björns tók við lyklunum af ráðhúsinu í vikunni og er því formlega orðinn borgarstjóri í Reykjavík - Já, æ sorrí, þetta hljómar bara svo vel, svona næstum því eins og Helgi fokking Björns. Þú messar ekkert í Hildi sko. Nú verður Reykjavíkurborg sko blómlegri sem aldrei fyrr. Vúhúúú.
Vinstrið á vaktinni
Sanna Magdalena og vinir hennar í Vinstrinu standa sko líka vaktina í borginni en fyrsti borgarstjórnarfundur nýs kjörtímabils fór fram í byrjun vikunnar. Þokkalega þrautseigt fólk þarna á ferð, still staying strong sko.
Frontkamerukóngurinn verslar í matinn
Pawel fyrrum sjálfukóngur rifjaði upp gamla takta og tók borgarstjórasjálfu með Hildi fokking Björns, sjúklega sæt saman. En frontkamerukóngurinn heldur áfram að fara í matvörubúðina og elda góðan kvöldverð og deila afrakstrinum með okkur hinum. Hvar pantar maður svona eiginmann? Það eru sko engin Temu gæði í þessu eintaki.
Jenni kennir
Vá, hvað ég var búin að sakna þess að sjá Jenna kenna. Veit ekki alveg hvort að ég sé með svona háan líkamshita eða hann - fjúff. Hérna er hann að kenna okkur að aðild að ESB og það að taka upp Evru er ekki gott. Þrátt fyrir að Pawel segi það. Omgosh! Hverjum á maður að trúa? Já eða nei?
Dagur B. peppaður í borgarlínu
Dagur Borgarlína Eggertsson - já, jess! Loksins er ég búin að finna út úr því hvað B-ið í nafnið hans stendur fyrir. Anyway, Dagur er orðinn mega pepp fyrir borgarlínu framkvæmdum og er ekkert eðlilega ángæður með allar þessar stórvirku vinnuvélar og himinháu beltisgröfur sem eru farnar að preppa borgarlínufjörið framundan. Búúúúhhh á einkabílinn. Áfram borgarlínan. Sagði enginn aldrei. Nema þá kannski Dagur Bergþóruson Eggertsson. Fyrir það stendur B-ið raunverulega. Vissuð þið það?
Diljá jarðaði jafnlaunavottunina
Diljá Mist linnti ekki látum fyrr en henni tókst að grafa jafnlaunavottunina góðu undir græna torfu en það tókst henni einmitt í vikunni, litla frekjurassgatinu, svo nú getur hún bara borið ábyrgð á því að Gunna fái minni laun en Jón. Nei djók. Það mun örugglega enginn finna fyrir andláti jafnalaunavottunarinnar, er það nokkuð?
Hamingjusöm hlaupa-Halla
Halla Hrund og hennar heittelskaði fögnuðu 12 ára brúðkaupsafmæli á dögunum. Jeij! Lukkan sú. Til hamingju með ástina kæru hjón. Þið gefið okkur hinum svo sannarlega von um að raunveruleg ást sé fyrirbæri sem er til þrátt fyrir allt og allt.
Guðmundur Ari og miðjubarnið
Gummari gerði vel við miðjubarnið sitt í vikunni sem fagnaði fyrsta tugaafmælinu. Af því tilefni var lagt land undir fót og skellt sér til Englands til að sjá Manchester City-leik, bara eins og maður gerir þegar barnið manns á 10 ára afmæli. En krakkinn átti þetta nú alveg skilið, stóð sig svo vel í samræmdu prófunum í skólanum en einkunnirnar bárust pabbanum að sjálfsögðu á stafrænan hátt í gegnum island.is sem reyndar lá niðri dágóða stund þennan dag því allir foreldrar grunnskólabarna nenntu allt í einu að vera foreldrar og skoða hvernig krakkarassgötunum hefði nú gengið með tilheyrandi álagi á island.is. Æðislegt.
Mamman ljósmóðir
Bryndís Haralds hélt surprise partí fyrir mömmu sína sem settist í helgan stein á dögunum og vann sinn síðasta dag sem ljósmóðir á fæðingardeildinni á Akranesi en sko mamma hennar Bryndísar hefur tekið á móti skrilljón Íslendingum síðustu áratugina - how cute is that?
Fín mynd af forsætisráðherra
Kristrún Frosta deildi þessari glæsilegu mynd af sér og var tilefnið ærið. Við myndina skrifaði hún langan status um Bakkakotsmálið svokallaða sem hún segir hafa haft hvað mest áhrif á sig í forsætisráðherradjobbinu. Enda er það ekkert svo sem ekkert skrítið. En myndin af henni er góð. Já, ekkert smá góð mynd af henni.
Áslaug Arna kvödd
Vikan endaði á massa dramatík á þinginu og þó víðar væri leitað. Áslaug Arna ákvað að láta af þingmennsku um leið og þjóðin hafði endurheimt hana frá Trömparalandinu. Kræst, hver skellurinn á eftir öðrum alltaf. Risa sakn á Slaugu. Endum þetta bara smá táraflóði og hinstu þingkveðju hennar. Hn er samt alveg sprelllifandi sko, bara svo því sé haldið til haga. Baíííj elsku Áslaug Arna.
Smelltu á spilarann hér að neðan til að nálgast nýjasta þátt Spursmála í heild sinni:
