Þetta kemur fram í tilkynningu frá lögreglu og að atvikið hafi átt sér stað 28. október. Ökumaður, sem hafi verið nýkominn með sitt fyrsta ökuskírteini, hafi gerst sekur um ógætilegan akstur á Standvegi í áttina að Bolungarvík og talinn hafa verið á 110 kílómetra hraða á klukkustund þar sem leyfilegur hámarkshraði er 50 kílómetrar.
Ökumaðurinn var sviptur ökuréttindum í þrjá mánuði ásamt því að honum var gert að greiða 170 þúsund króna sekt, að sögn lögreglu. Þá þurfi hann að sækja sérstakt námskeið áður en hann getur öðlast ökuréttindi á ný.
„Aksturslag sem þetta er að sjálfsögðu dauðans alvara. En sem betur fer urðu líkamlegir áverkar ekki alvarlegir. Bifreiðin var óökufær eftir áreksturinn ásamt því að ljósastaurinn eyðilagðist,“ segir í tilkynningu lögreglunnar á Vestfjörðum.
