„Við samþykktum tillöguna frá því í morgun á sjöunda tímanum og erum búin að senda þau skilaboð til ríkissáttasemjara,“ segir Magnús Þór Jónsson, formaður Kennarasambands Íslands.
Ríkissáttasemjari lagði fram klukkan 16 í dag tillögu í virðismatsdeilu kennara og sveitarfélaga og höfðu aðilarnir til miðnættis til að taka afstöðu en þá rennur út frestur til að virkja forsenduákvæði í kjarasamningi.
Sáttasemjarinn sagði að í tillögunni væru skilmálar um hvernig halda ætti áfram virðismati á störfum kennara sem kveðið er á um í kjarasamningum sem undirritaðir voru árið 2025.
Inga Dóra Ólafsdóttir hjá Sambandi íslenskra sveitarfélaga í samtali við Vísi í dag að sveitarfélögin hafi samþykkt tillöguna strax.
Deilan snýst um vinnuramma vegna virðismats sem unnið hefur verið að síðustu mánuði. Samkvæmt heimildum fréttastofu lögðu stjórnvöld fram tillögu sem er utan þess ramma sem kjarasamningur kveður á um en í samningi var heimild til að fresta mati á vinnunni um allt að sex mánuði.
„Þetta var síðasti dagurinn til að leiða verkefnið um virðismatið,“ segir Magnús. „Það tókst að uppfylltum skilyrðum sem hann [Ástráður] lagði fram.“
