Tótla hélt upp á 48 ára afmæli með trylltri dansveislu - MBL.IS

Þórunn Hilda Jónasdóttir, eða Tótla eins og hún er kölluð, er ein af þessum sniðugu einstaklingum sem er lætur hlutina gerast. Á þriðjudaginn var fagnaði hún 48 ára afmæli og ákvað að slá upp dansveislu í höfuðstöðvum viðburðarfyrirtækisins Magio við Jöfurbás í Gufunesi. En það var líka til að fagna 1. árs afmæli Magio en Tótla er eigandi fyrirtækisins. Markmið kvöldsins var að eiga saman skemmtilega kvöldstund og dansa af hjartans lyst. 

Tótla bauð upp á æðislegar veitingar. Þar var Sesarsalat, brauð og hummus og mikið af sætindum. Búbblubíllinn var á svæðinu og bauð upp á búbblur og bjór, einnig voru geggjuðu óáfengu Bolle búbblurnar og rose í boði.

Plötusnúðurinn DJ Elli Joð sá um tónlistina og hélt uppi fjörinu allt kvöldið. Dansgólfið fylltist fljótt af glaðværum konum sem létu tónlistina leiða sig áfram.

Vildi alls ekki hringdans

Boðskortið vakti athygli fyrir skemmtilegan tón en þar kom fram að aðeins ein regla gilti á kvöldinu.

„Engan hringdans og alls enga pakka!“

Gestir virtu reglurnar og einbeittu sér þess í stað að því að njóta samverunnar, fagna afmælunum og skapa góðar minningar saman.

Það er óhætt að segja að kvöldið hafi heppnast með eindæmum vel og að dansgleðin hafi verið allsráðandi í Gufunesi.

Unnur Agnes Níelsdóttir hjá Spark.is festi gleðina á filmu!